Gold-Silver: गेल्या एका आठवड्यात सोने आणि चांदीने इतकी मोठी झेप घेतली आहे की, गुंतवणूकदारच नव्हे तर सामान्य खरेदीदारही चकित झाले आहेत. लग्नसराई आणि गुंतवणुकीच्या दृष्टीने महत्त्वाच्या मानल्या जाणाऱ्या सोन्याने आठवडाभरात विक्रमी तेजी दाखवली असून, चांदीही नव्या उच्चांकांकडे वाटचाल करताना दिसत आहे.
आठवडाभरात सोन्याची ‘बंपर’ झेप
एका आठवड्यात 24 कॅरेट सोन्याच्या दरात सुमारे ₹16,480 इतकी मोठी वाढ नोंदवली गेली आहे. तर, 22 कॅरेट सोनेही ₹15,100 ने महागले आहे. 25 जानेवारी 2026 रोजी दिल्लीत 24 कॅरेट सोने ₹1,60,410 प्रति 10 ग्रॅम, तर 22 कॅरेट सोने ₹1,47,050 प्रति 10 ग्रॅमवर आले आहे. हे दर आतापर्यंतच्या उच्चतम पातळ्यांपैकी एक मानले जात आहेत.
प्रमुख शहरांतील सोन्याचे दर
मुंबई, पुणे, बंगळुरू, चेन्नई, कोलकाता:
24 कॅरेट: ₹1,60,260 प्रति 10 ग्रॅम
22 कॅरेट: ₹1,46,900 प्रति 10 ग्रॅम
आंतरराष्ट्रीय बाजाराचा मोठा आधार
सोन्याच्या या तेजीमागे आंतरराष्ट्रीय बाजाराचा मोठा हात असल्याचे तज्ज्ञ सांगतात. जागतिक बाजारात सोन्याचा स्पॉट भाव $4,967.41 प्रति औंस या विक्रमी पातळीवर पोहोचला आहे. जागतिक आर्थिक अनिश्चितता आणि भू-राजकीय तणावाच्या पार्श्वभूमीवर गुंतवणूकदार सुरक्षित गुंतवणूक म्हणून सोन्याकडे मोठ्या प्रमाणावर वळत आहेत.
सोन्याचे दर आणखी वाढणार?
प्रसिद्ध ब्रोकरेज हाऊस गोल्डमन सॅक्सने सोन्याबाबतचा अंदाज आणखी वाढवला आहे. संस्थेने डिसेंबर 2026 साठी सोन्याचे लक्ष्य $5,400 प्रति औंस निश्चित केले आहे. तज्ज्ञांच्या मते, जर अमेरिकेची फेडरल रिझर्व्ह व्याजदर कपातीचा निर्णय घेत असेल, तर सोने आणि चांदीसारख्या सेफ अॅसेट्समध्ये गुंतवणूक आणखी वाढू शकते.
चांदीनेही दाखवली जबरदस्त चमक
फक्त सोनेच नाही, तर चांदीनेही गुंतवणूकदारांना चांगला परतावा दिला आहे. गेल्या एका आठवड्यात चांदीच्या दरात सुमारे ₹40,000 प्रति किलो वाढ झाली. 25 जानेवारी रोजी चांदीचे दर ₹3,40,000 प्रति किलो आहेत. आंतरराष्ट्रीय बाजारातही चांदीचा स्पॉट भाव $99.46 प्रति औंस या मजबूत पातळीवर आहे.
(टीप-कुठल्याही प्रकारची गुंतवणूक करण्यापूर्वी तज्ञांचा सल्ला घ्या.)