Gold Silver Price Today: लग्नसराईच्या हंगामात सोने-चांदी खरेदी करणाऱ्यांसाठी एक मोठी दिलासादायक बातमी आहे. आज २४ कॅरेट सोन्याचा भाव ₹२,७१४ रुपयांनी स्वस्त होऊन ₹१,२२,७१४ प्रति १० ग्रॅम वर आला आहे. आता जीएसटीसह १० ग्रॅम २४ कॅरेट सोन्याचा भाव ₹१,२६,३९५ प्रति १० ग्रॅम राहिला आहे. तर, चांदी जीएसटीसह ₹१,५८,७५३ प्रति किलो झाली आहे.
आज चांदी बिना जीएसटी ₹६,५२६ रुपयांनी तुटून ₹१,५४,१३० प्रति किलो दराने उघडली. शुक्रवारी चांदी बिना जीएसटी ₹१,६०,६५६ प्रति किलो आणि सोनं बिना जीएसटी ₹१,२५,४२८ प्रति १० ग्रॅम वर बंद झाले होतं.
UPI ट्रान्झॅक्शन फेल झालं? घाबरू नका, त्वरित फॉलो करा 'या' स्टेप्स
उच्चांकावरून घसरण
आता सोन्याचा भाव १७ ऑक्टोबरच्या सर्वकालीन उच्चांकावरून ₹८,१६० रुपयांनी स्वस्त झाला आहे, तर चांदीचा भाव १४ ऑक्टोबरच्या सर्वकालीन उच्चांकावरून ₹२३,९७० रुपयांनी घसरला आहे. आयबीजेए दिवसातून दोनदा दर जाहीर करते; एकदा दुपारी १२ वाजण्याच्या सुमारास आणि दुसरा सायंकाळी ५ वाजण्याच्या आसपास दर जाहीर केले जातात.
कॅरेटनुसार सोन्याचे भाव
आज २३ कॅरेट गोल्डही ₹२,७०३ रुपयांनी स्वस्त होऊन ₹१,२२,२२३ प्रति १० ग्रॅमच्या दरानं उघडलं. जीएसटीसह याची किंमत आता ₹१,२५,८८९ झाली आहे. यात अजून मेकिंग चार्ज जोडलेला नाही.
२२ कॅरेट गोल्डची किंमत ₹२,४८६ रुपयांनी कमी होऊन ₹१,१२,४०६ प्रति १० ग्रॅम वर पोहोचली आहे. जीएसटीसह ही किंमत ₹१,१५,७७८ आहे.
१८ कॅरेट गोल्ड ₹२,०३५ रुपयांच्या घसरणीसह ₹९२,०३६ प्रति १० ग्रॅम वर पोहोचलंय आणि जीएसटीसह याची किंमत ₹९४,७९७ प्रति १० ग्रॅम वर पोहोचली आहे.
१४ कॅरेट गोल्डचा रेटही ₹१,५८७ रुपयांनी घसरला आहे. आज हा ₹७१,७८८ वर उघडला आणि जीएसटीसह ₹७३,९४१ वर आहे.
या वर्षी मोठी वाढ
या वर्षी सोनं ₹४६,९७४ प्रति १० ग्रॅम महाग झालं आहे, तर चांदी ₹६८,११३ प्रति किलोनं वाढली आहे.