नवी दिल्ली
ऑनलाइन रेस्टॉरंट गाइड आणि फूड डिलिव्हिरी सेवा देणाऱ्या 'झोमॅटो'नेनववर्ष स्वागताला नवा विक्रम केला आहे. 'थर्टी फर्स्ट'च्या दिवशी 'झोमॅटो'ला दर एका मिनिटामागे तब्बल ४१०० ऑनलाइन फूड ऑडर्स मिळाल्या आहेत.
झोमॅटोचे संस्थापक आणि सीईओ दिपेंदर गोयल यांनी याबाबतची माहिती त्यांच्या ट्विटर हँडलवर ट्विट केली आहे. 'थर्टी फर्स्ट'च्या रात्री 'झोमॅटो'ला मिळालेल्या तुफान प्रतिसादाने कंपनीच्या तांत्रिक टीमची झोप उडाल्याचं त्यांनी म्हटलं आहे.
Insane amount of strain in the system right now. 1.4 lakh live orders right now. ~20k biryanis in transit. And 16k pizzas; 40% of them extra cheese pizzas. #factshttps://t.co/2TK8IHyxHp
— Deepinder Goyal (@deepigoyal) December 31, 2020
गोयल यांनी ३१ डिसेंबर रोजी संध्या. ७ वा. ५३ मि. एक ट्विट केलं. "कंपनीच्या सिस्टममध्ये तुफान ऑडर्स आल्या आहेत. १ लाख १४ हजार लोकांनी आताच्या घडीला ऑडर्स केल्या आहेत. देशात विविध ठिकाणी सध्या २० हजार लोकांना सध्या बिर्याणीची ऑडर पोहोचविण्याचं काम सुरू आहे. तर १६ हजार लोकांना पिझ्झाची डिलिव्हरी सुरू आहे. यातील ४० टक्क्यांहून अधिक जणांनी एक्स्ट्रा चीझ पिझ्झा ऑर्डर केलाय", अशी माहिती गोयल यांनी ट्विटमध्ये दिली होती.
Here's a heat map of "add to cart" events across the globe. 634k events in the last 30 minutes.
— Deepinder Goyal (@deepigoyal) December 31, 2020
So many people outside of India are placing orders for their loved ones in India. 🥳
PS – UAE, Lebanon, Turkey event logs are for local orders. pic.twitter.com/mABSmz3QHf
भारताबाहेरुन विशेषत: यूएई, लेबनॉन, तुर्की येथूनही भारतातील त्यांच्या नातेवाईकांसाठी ऑर्डर केली गेल्याचंही गोयल यांनी म्हटलंय.
One last tweet. OPM 4,100. OK bye. https://t.co/hj1pAeAGl8
— Deepinder Goyal (@deepigoyal) December 31, 2020
'झोमॅटो'च्या आजवरच्या इतिहासात इतक्या मोठ्या प्रमाणात सेवा देण्याची ही पहिलीच वेळ असल्याचंही ते म्हणाले. ३१ डिसेंबरला सायं. ६ वाजून १४ मिनिटांना २,५०० ऑडर्स ते रात्री ८ वाजून २२ मिनिटांना दर मिनिटामागे ४,१०० ऑडर्स आल्यांचं गोयल यांनी सांगितलंय. 'झोमॅटो'चा हा आतापर्यंतचा सर्वात मोठा आकडा आहे.
कोविड-१९ मुळे देशात ठिकठिकाणी विविध निर्बंध लागू आहेत. महाराष्ट्रात महानगरपालिका क्षेत्रात रात्री ११ नंतर संचारबंदी आहे. त्यामुळे अनेक हॉटेल्स आणि रेस्टॉरंट्स ११ वाजताच बंद झाले. त्यात अनेकांनी यावेली घरीच राहून नववर्षाचं स्वागत करणं पसंत केलं. यात मुंबई महानगरपालिकेने थर्टी फर्स्टसाठी ऑनलाईन फूड ऑडर्ससाठी रात्री ११ नंतरही परवानगी दिली होती. त्यामुळे ऑनलाइन फूड डिलिव्हरी वेबसाइट्सना याचा मोठा फायदा झाल्याचं म्हटलं जात आहे.