घर खरेदीसाठी होमलोन घेतल्यास करसवलतीचा लाभ मिळतो. मात्र, हा लाभ फक्त को-ओनर (सह-मालक) असल्यानंतरच को-बॉरोअर (सह-कर्जदार) ला मिळणार आहे. केवळ कर्जदार म्हणून नाव असणे पुरेसे ठरणार नाही, असे आयकर कायद्यात स्पष्ट करण्यात आले आहे.
होमलोनच्या व्याज, मुद्दल परतफेडीवर आयकरात सवलत दिली जाते; परंतु यासाठी संबंधित व्यक्ती घराची सह-मालक असणे अनिवार्य आहे. अन्यथा सवलतीचा दावा करता येणार नाही. पाच वर्षांत घर विकल्यास सवलत पुन्हा उत्पन्नात जोडली जाते, त्यामुळे कर भरावा लागू शकतो.
को-बॉरोअरचे नियम काय?
होमलोनवर करसवलत हवी असल्यास
१. घराच्या मालकीत नाव असणे
२. कर्ज परतफेडीत प्रत्यक्षसहभाग असणे
३. कर्जाचा भार स्वतः उचललेला असणे.
किती मिळते करसवलत?
जर को-बॉरोअर को-ओनरही असेल, तर तो स्वतःच्या उत्पन्नाच्या प्रमाणात करसवलतीचा लाभ घेऊ शकतो. दोन सह-मालक असल्यास, दोघेही स्वतंत्रपणे व्याज व मुद्दलावर सवलत घेऊ शकतात.
मुद्दल परतफेडीवर सवलत : लोनच्या मुद्दल परतफेडीवर कलम ८०सी अंतर्गत १.५ लाख रुपयांपर्यंत करसवलत मिळते.