Stock Market Today: भारत आणि जगभरात मोठ्या उत्साहात नवीन वर्ष साजरं केलं जात आहे. कामकाजागरम्यान आज शेअर बाजार ग्रीन झोनमध्ये उघडला. सुरुवातीच्या व्यवहारात, सेन्सेक्स सुमारे १८० अंकांनी वधारला होता, तर निफ्टी सुमारे ५० अंकांनी वधारला होता. एफएमसीजी आणि फार्मा समभाग थोडे कमकुवत दिसत होते.
ऑटो, मीडिया, मेटल आणि एनबीएफसी निर्देशांक वाढीसह व्यवहार करत होते. निफ्टी ५० वर इटर्नल, एम अँड एम, रिलायन्स, इंडिगो, विप्रो आणि श्रीराम फायनान्स हे सर्वाधिक वधारलेले शेअर होते. दरम्यान, आयटीसी, डॉ. रेड्डी, सिप्ला, बीईएल, सन फार्मा, टाटा कंझ्युमर आणि ट्रेंट यामध्ये मोठी घसरण झाली, आयटीसी ४% पेक्षा जास्त घसरला.
मागील बंदच्या तुलनेत, सेन्सेक्स ३५ अंकांनी वधारून ८५,२५५ वर उघडला. निफ्टी ४४ अंकांनी वधारून २६,१७३ वर उघडला आणि बँक निफ्टी ९३ अंकांनी वधारून ५९,६७४ वर उघडला. चलन बाजारात रुपया कमकुवत झाला आणि ८ पैशांनी घसरून ८९.९५/ डॉलर्सवर उघडला.
वर्षाच्या पहिल्या व्यापार दिवशी सकारात्मक संकेत दिसले. निफ्टी सुमारे ५० अंकांनी वाढून २६,३५० च्या आसपास व्यवहार करत होता. नवीन वर्षासाठी अमेरिकन बाजार बंद असल्याने जागतिक स्तरावरील ट्रिगर्स मर्यादित आहेत आणि जगभरातील बहुतेक बाजार देखील आज बंद आहेत.
कमोडिटी मार्केटची हालचाल
कमॉडिटी मार्केटमध्येही लक्षणीय अस्थिरता दिसून आली. COMEX वर मार्जिनमध्ये पुन्हा वाढ झाल्यामुळे चांदी जवळजवळ १० टक्क्यांनी घसरून $७१ च्या खाली आली, तर सोनं जवळजवळ $५५ ने घसरून $४,३२५ वर बंद झालं. देशांतर्गत बाजारातही दबाव दिसून आला, जिथे चांदी जवळजवळ ₹१५,००० नं आणि सोनं सुमारे ₹१,३०० नं बंद झालं. बेस मेटलमध्ये, तांब्याची सहा दिवसांची तेजी थांबली, तर निकेल, जस्त आणि शिशाचेही कमकुवतपणा दिसून आला. याउलट, अॅल्युमिनियम साडेतीन वर्षांच्या उच्चांकावर बंद झाले