लोकमत न्यूज नेटवर्क, नवी दिल्ली: जागतिक बाजारातील वेग मंदावल्याने आणि गुंतवणूकदारांनी नफा वसूल केल्याने देशांतर्गत सोनं आणि चांदीच्या किमती विक्रमी उच्चांकावरून खाली आल्या आहेत. सुरक्षित गुंतवणुकीवरील मागणी कमी झाल्यामुळे हा घसरण झाल्याची माहिती ऑल इंडिया सराफा असोसिएशनने दिली. चांदी गुरुवारी तब्बल १४,३०० रुपये म्हणजेच ४.३ टक्क्यांनी घसरून ३,२०,००० रुपये प्रति किलो (सर्व करांसह) इतकी झाली.
चांदीच्या किमतीतील वेगवान घसरण ही जागतिक बाजारातील भीती कमी झाल्याचे चित्र आहे. ‘ट्रेड वॉर प्रीमियम’ कमी झाल्याने गुंतवणूकदार नफा-वसुलीकडे वळले.
-अमीर मकडा, विश्लेषक, चॉईस ब्रोकिंग
सोने-चांदी दरातील बदल
धातू सध्याची किंमत घसरण (₹)
सोने १,५७,२०० रु. प्रति १० ग्रॅम २,५०० रु.
चांदी ३,२०,००० रु. प्रति किलो १४,३०० रु.
(सर्व दर करांसह - ऑल इंडिया सराफा असोसिएशननुसार)
पुढे किमती वाढू शकतात
तज्ज्ञांच्या मते, सोन्या-चांदीच्या बाजारात झालेली ही घसरण ही साहजिकच आहे. जागतिक तणाव थोडा कमी झाला असला तरी, आयात शुल्क वाढण्याची शक्यता आणि काही भू-राजकीय जोखीम यामुळे दोन्ही मौल्यवान धातूंना पुढील काळात पुन्हा जास्त किंमत मिळू शकते.
डिजिटल चांदी काळवंडली; ईटीएफची डुबकी/आपला पैसा