Gold Silver Rate Today: सराफा बाजारात आज सोने आणि चांदीच्या किमतीत मोठी घट पाहायला मिळाली आहे. आज चांदीचा भाव ३,९७३ रुपयांनी घसरुन २,३१,४६७ रुपये प्रति किलोवर आला आहे. तसंच सोन्याच्या किमतीतही प्रति १० ग्रॅम २,४१९ रुपयांची घसरण नोंदवण्यात आली आहे. जीएसटीसह चांदीचा दर आता २,३८,४११ रुपये प्रति किलो झाला आहे, तर २४ कॅरेट सोन्याचा दर जीएसटीसह १,३८,३९२ रुपये प्रति १० ग्रॅमवर पोहोचलाय. २९ डिसेंबर रोजी सोन्यानं १३,८,१८१ रुपयांचा ऐतिहासिक उच्चांक गाठला होता, त्या तुलनेत आता सोनं ३,७९९ रुपयांनी स्वस्त झालंय. तर चांदी आपल्या सर्वोच्च स्तरावरून (२,४३,४८३ रुपये) ११,९७१ रुपयांनी घसरली आहे.
सोमवारची स्थिती आणि आजची बाजार सुरुवात
सोमवारी चांदी जीएसटीशिवाय २,४३,४८३ रुपये प्रति किलो या विक्रमी स्तरावर उघडली होती आणि २,३५,४४० रुपयांवर बंद झाली होती. त्याचप्रमाणे सोनं जीएसटीशिवाय १३,८,१६१ रुपये प्रति १० ग्रॅमवर उघडून १३,६,७८१ रुपयांवर बंद झालं होतं. आज बाजाराच्या सुरुवातीला विना जीएसटी सोन्याचा भाव १,३४,३७२ रुपयांवर उघडला. इंडिया बुलियन अँड ज्वेलर्स असोसिएशनद्वारे (IBJA) हे दर जाहीर करण्यात आले आहेत. आयबीजेए दिवसातून दोनदा जारी करते. एकदा दुपारी १२ वाजता आणि दुसऱ्यांदा संध्याकाळी ५ वाजता दर जाहीर केले जातात.
बाजारात एन्ट्री घेताच जोरदार आपटला 'हा' शेअर, पहिल्याच दिवशी २४% नं घसरला, गुंतवणूकदारांना मोठा झटका
या वर्षातील सोने-चांदीची विक्रमी वाटचाल
चालू वर्षात सोन्याच्या किमतीत आतापर्यंत ५८,६२२ रुपयांची वाढ झाली आहे, तर चांदी १४५,४५० रुपयांनी वधारली आहे. एकट्या डिसेंबर महिन्यात चांदी ७१,०८१ रुपयांनी आणि सोनं १०,१९० रुपयांनी महागलंय. सोमवारी झालेल्या मोठ्या घसरणीनंतरही या वर्षातील एकूण वाढ लक्षणीय आहे.
कॅरेटनुसार सोन्याचे ताजे दर (विना मेकिंग चार्ज)
- २३ कॅरेट गोल्ड: २,४०७ रुपयांच्या घसरणीसह १,३३,२३६ रुपये प्रति १० ग्रॅमवर उघडलं. जीएसटीसह याची किंमत १,३७,८४० रुपये झाली आहे.
- २२ कॅरेट गोल्ड: २,२१५ रुपयांनी घसरून १,२३,०७६ रुपये प्रति १० ग्रॅमवर आलं. जीएसटीसह हा दर १,२६,७६८ रुपये आहे.
- १८ कॅरेट गोल्ड: १,८१४ रुपयांच्या घसरणीसह १,००,७७२ रुपये प्रति १० ग्रॅमवर आलं असून जीएसटीसह याची किंमत १,०३,७९५ रुपये आहे.
- १४ कॅरेट गोल्ड: १,४१५ रुपयांनी स्वस्त होऊन ७८,६०२ रुपयांवर उघडलं आणि जीएसटीसह ८०,९६० रुपयांवर पोहोचलं आहे.