Gold Silver Price 9 May: ऑपरेशन सिंदूरनंतर आता भारत आणि पाकिस्तानमध्ये युद्धसदृश परिस्थिती निर्माण झाली आहे. दरम्यान, आज सोन्या-चांदीच्या दरात मोठा बदल झाला आहे. आज २४ कॅरेट सोन्याचा भाव ३८३ रुपयांनी घसरून ९६,६४७ रुपयांवर प्रति १० ग्रॅमवर पोहोचला. तर, चांदी ४६१ रुपयांनी वधारून ९५,६८६ रुपये प्रति किलो ग्रॅम झाली.
इंडिया बुलियन अँड ज्वेलर्स असोसिएशनने (आयबीजेए) सराफा बाजाराचे दर जाहीर केले आहेत, यामध्ये जीएसटीचा समावेश नाही. कदाचित तुमच्या शहरात १००० ते २००० रुपयांचा फरक असू शकतो. आयबीजेए दिवसातून दोनदा दर जारी करते. एकदा दुपारी १२ च्या सुमारास, तर दुसऱ्याला सायंकाळी ५ च्या सुमारास दर जाहीर केले जातात.
सोनं २० हजारांनी वाढलं
यंदा सोनं सुमारे २०,९०७ रुपयांनी तर चांदी ९६६९ रुपयांनी महागली आहे. २२ एप्रिल २०२५ रोजी सोन्याचा भाव ९९,१०० रुपये प्रति १० ग्रॅमच्या उच्चांकी पातळीवर होता. ३१ डिसेंबर २०२४ रोजी सोन्याचा भाव ७४,०४५ रुपये प्रति १० ग्रॅम आणि चांदीचा दर ८५,६८० रुपये प्रति किलो होता. या दिवशी सोनं ७५,७४० रुपयांवर बंद झालं. चांदीही ८६,०१७ रुपये प्रति किलोग्रॅमवर बंद झाली.
१४ ते २४ कॅरेट सोन्याचा आजचा दर
आयबीजेएच्या दरानुसार आज २३ कॅरेट सोन्याचा भाव ३८१ रुपयांनी घसरून ९६,२६० रुपये प्रति १० ग्रॅम झाला. तर २२ कॅरेट सोन्याचा सरासरी स्पॉट भाव दुपारी ३५१ रुपयांनी घसरून ८८,५२९ रुपये प्रति १० ग्रॅम झाला. तर १८ कॅरेट सोन्याचा भाव २८८ रुपयांनी कमी होऊन ७२,४८५ रुपये प्रति १० ग्रॅम झाला आहे. तर १४ कॅरेट सोन्याचा भाव २२४ रुपयांनी कमी होऊन ५६,५३९ रुपये झाला आहे.