Gold Silver Price Today 19 June: सोन्या-चांदीमधील तेजी आता कमी होऊ लागली आहे. सराफा बाजारात आज सोन्याच्या दरात मोठी घसरण झाली. मात्र, चांदी एका झटक्यात २०६९ रुपयांनी स्वस्त झाली असून ती १०७३४३ रुपयांवर आली. आज सोन्याचा भाव ६८६ रुपयांनी घसरून ९८,७६८ रुपये प्रति १० ग्रॅम झाला. जीएसटीमुळे २४ कॅरेट सोन्याची किंमत १०१७३१ रुपये प्रति १० ग्रॅम आणि चांदीची किंमत ११०५६३ रुपये प्रति किलो आहे.
इंडिया बुलियन अँड ज्वेलर्स असोसिएशननं (आयबीजेए) सोन्या-चांदीचे स्पॉट दर जाहीर केलेत. त्यात जीएसटीचा समावेश नाही. कदाचित तुमच्या शहरात १००० ते २००० रुपयांचा फरक असू शकेल. आयबीजेए दिवसातून दोनदा दर जारी करते. एकदा दुपारी १२ च्या सुमारास, तर दुसऱ्याला सायंकाळी ५ च्या सुमारास दर जारी केले जातात.
२२ कॅरेट सोन्याचे दर काय?
आयबीजेएच्या दरानुसार आज म्हणजेच गुरुवार, १९ जून रोजी २३ कॅरेट सोन्याचा भाव ६८३ रुपयांनी घसरून ९८३७३ रुपये प्रति १० ग्रॅम झाला. तर २२ कॅरेट सोन्याचा सरासरी स्पॉट भाव ६२९ रुपयांनी घसरून ९०४७१ रुपये प्रति १० ग्रॅम झाला. १८ कॅरेट सोन्याचा भाव ५१५ रुपयांनी कमी झाला असून त्याची किंमत ७४०७६ रुपये प्रति १० ग्रामवर आला. १४ कॅरेट सोन्याचा भाव ४०२ रुपयांनी कमी होऊन ५७,७७९ रुपये झाला. यावर जीएसटी आणि मेकिंग चार्ज जोडलेला नाही.