SBI मध्ये जमा करा ₹२,००,००० आणि मिळवा ₹८५,०४९ चं फिक्स व्याज, पाहा कॅलक्युलेशन

SBI Investment Scheme: जर तुम्ही सुरक्षित गुंतवणुकीच्या शोधात असाल आणि बाजारातील चढ-उतारांपासून दूर राहू इच्छित असाल, तर तुम्ही या पर्यायाचाही विचार करू शकता. पाहा कोणती आहे ही स्कीम.

SBI Investment Scheme: जर तुम्ही सुरक्षित गुंतवणुकीच्या शोधात असाल आणि बाजारातील चढ-उतारांपासून दूर राहू इच्छित असाल, तर फिक्स्ड डिपॉझिट (FD) आजही एक विश्वासार्ह पर्याय आहे. देशातील सर्वात मोठी सरकारी बँक, भारतीय स्टेट बँक आपल्या ग्राहकांना आकर्षक व्याजदरांसह दीर्घकालीन एफडी स्कीम्स ऑफर करत आहे. विशेष बाब म्हणजे, फक्त ₹२ लाख जमा करून तुम्ही मॅच्युरिटीवर ₹८५,०४९ पर्यंतचं निश्चित व्याज मिळवू शकता.

SBI मध्ये किमान ७ दिवसांसाठी एफडी खातं उघडता येतं, तर कमाल कालावधी १० वर्षांपर्यंत आहे. बँक वेगवेगळ्या कालावधीवर ३.०५% ते ७.१५% पर्यंत व्याज देत आहे. म्हणजेच गुंतवणूकदार आपल्या गरज आणि ध्येयानुसार कालावधी निवडू शकतात.

५ वर्षांच्या एफडीवर किती मिळत आहे व्याज?

SBI च्या ५ वर्षांच्या एफडी स्कीमवर सामान्य नागरिकांना ६.०५% व्याज मिळत आहे. तर ज्येष्ठ नागरिकांना (६० वर्षांपेक्षा जास्त) ७.०५% आणि अति ज्येष्ठ नागरिकांना (८० वर्षांपेक्षा जास्त) ७.१५% पर्यंत व्याज दिलं जात आहे. याशिवाय बँक ४४४ दिवसांच्या ‘अमृत वृष्टी’ स्पेशल एफडीवरही आकर्षक परतावा देतेय, परंतु ५ वर्षांची एफडी दीर्घकालीन गुंतवणूकदारांसाठी अधिक फायदेशीर मानली जाते.

₹२ लाखांच्या एफडीवर किती व्याज?

जर तुम्ही एक सामान्य नागरिक असाल आणि भारतीय स्टेट बँकेत ५ वर्षांच्या एफडी स्कीममध्ये २,००,००० रुपये जमा केले, तर तुम्हाला मॅच्युरिटीवर एकूण २,७०,०३५ रुपये मिळतील, ज्यामध्ये ७०,०३५ रुपयांच्या निश्चित व्याजाचा समावेश आहे. जर तुम्ही ज्येष्ठ नागरिक असाल आणि भारतीय स्टेट बँकेत ५ वर्षांच्या एफडीमध्ये २,००,००० रुपये जमा केले, तर तुम्हाला मॅच्युरिटीवर एकूण २,८३,६५२ रुपये मिळतील, ज्यामध्ये ८३,६५२ रुपयांच्या निश्चित व्याजाचा समावेश आहे. 

जर तुम्ही अति ज्येष्ठ नागरिक असाल आणि स्टेट बँकेत ५ वर्षांच्या एफडी स्कीममध्ये २,००,००० रुपये जमा केले, तर तुम्हाला मॅच्युरिटीवर एकूण २,८५,०४९ रुपये मिळतील. यामध्ये व्याजाचे निश्चित ८५,०४९ रुपये देखील समाविष्ट आहेत.