Top mutual fund returns : जेव्हा गुंतवणुकीचा विचार येतो, तेव्हा वार्षिक १२ ते १४ टक्के परतावा चांगला मानला जातो. मात्र, प्रत्येक गुंतवणूकदाराला यापेक्षा जास्त परतावा हवा असतो. अशा गुंतवणूकदारांसाठी म्युच्युअल फंड हे एक उत्तम आणि सोपे माध्यम ठरले आहे. बाजारातील गुणाकार-भागाकार न समजणाऱ्या सामान्य गुंतवणूकदारांसाठी काही म्युच्युअल फंड योजनांनी गेल्या काही वर्षांत अपेक्षेपेक्षा कितीतरी जास्त परतावा दिला आहे. गेल्या तीन वर्षांत किमान ३०% वार्षिक परतावा देणाऱ्या आणि पाच वर्षांत सातत्य दाखवणाऱ्या काही 'बम्पर रिटर्न्स' देणाऱ्या म्युच्युअल फंड्सची यादी आम्ही तुमच्यासाठी घेऊन आलो आहोत.
३ वर्षांत टेक्नॉलॉजी आणि गोल्ड फंडांची तुफान कमाई
गेल्या तीन वर्षांच्या कालावधीत टेक्नॉलॉजी आणि गोल्ड फंड्सचा दबदबा राहिला आहे.
| फंडचे नाव | ३ वर्षांचा परतावा (%) | ५ वर्षांचा परतावा (%) |
| एडेलवाइस यूएस टेक्नॉलॉजी इक्विटी फंड ऑफ फंड | ३९.५७% | १७.६७% |
| मोतीलाल ओसवाल बीएसई एन्हांस्ड व्हॅल्यू इंडेक्स फंड | ३६.६२% | माहिती नाही |
| एलआयसी एमएफ गोल्ड ईटीएफ | ३४.८६% | माहिती नाही |
| एसबीआय गोल्ड फंड | ३४.४५% | माहिती नाही |
| आदित्य बिर्ला सन लाइफ गोल्ड फंड | ३४.५१% | माहिती नाही |
| ॲक्सिस गोल्ड फंड | ३४.१६% | माहिती नाही |
PSU फंड्सनेही गुंतवणूकदारांना भरभरून दिले
सरकारी कंपन्यांमध्ये गुंतवणूक करणाऱ्या फंडांनीही जबरदस्त कामगिरी केली आहे.
| फंडचे नाव | ३ वर्षांचा परतावा (%) | ५ वर्षांचा परतावा (%) |
| एसबीआय पीएसयू फंड | ३३.५९% | ३४.६५% |
| इन्व्हेस्को इंडिया पीएसयू इक्विटी फंड | ३३.२९% | ३२.९७% |
| आदित्य बिर्ला सन लाइफ पीएसयू इक्विटी फंड | ३१.७४% | ३५.६९% |
या फंडांनी दाखवून दिले आहे की योग्य वेळी सरकारी कंपन्यांमध्ये केलेल्या गुंतवणुकीतूनही उत्तम आणि सातत्यपूर्ण नफा मिळू शकतो.
दीर्घकाळात इन्फ्रा आणि मिडकॅप फंड्सची बाजी
जो गुंतवणूकदार ५ वर्षे किंवा त्याहून अधिक काळ बाजारात टिकून राहू शकतो, त्यांच्यासाठी इन्फ्रास्ट्रक्चर आणि मिडकॅप फंडांनी मोठी कमाई करून दिली आहे.
| फंडचे नाव | ५ वर्षांचा परतावा (%) | ३ वर्षांचा परतावा (%) |
| आयसीआयसीआय प्रुडेन्शियल इन्फ्रास्ट्रक्चर फंड | ३८.८८% | ३०.१७% |
| आयसीआयसीआय प्रुडेन्शियल भारत २२ FOF फंड | ३६.००% | २८.७७% |
| मोतीलाल ओसवाल मिडकॅप फंड | ३५.२४% | माहिती नाही |
| फ्रँकलिन बिल्ड इंडिया फंड | ३४.८९% | माहिती नाही |
स्मॉलकॅप आणि लार्ज-मिडकॅप फंड्सची कामगिरी
स्मॉलकॅप फंड्सनीही आपली दमदार कामगिरी कायम ठेवली आहे. बंधन स्मॉल कॅप फंडने ३ वर्षांत ३१.९६% आणि ५ वर्षांत ३२.६१% चा सातत्यपूर्ण परतावा दिला. तसेच, मोतीलाल ओसवाल लार्ज अँड मिडकॅप फंडने ३ वर्षांत ३१.०५% आणि ५ वर्षांत ३०.८७% असा स्थिर नफा कमावून दिला आहे.
गेल्या ३ ते ५ वर्षांच्या कालावधीत, टेक्नॉलॉजी, पीएसयू, इन्फ्रास्ट्रक्चर आणि गोल्ड या क्षेत्राशी संबंधित म्युच्युअल फंड योजनांनी गुंतवणूकदारांना ३०% ते ३९% पर्यंतचा बम्पर वार्षिक परतावा मिळवून दिला आहे. यावरून स्पष्ट होते की, बाजारातील चढ-उतारांमध्येही योग्य फंडाची निवड केल्यास मोठी संपत्ती निर्माण करणे शक्य आहे.
वाचा - टायटन-रिलायन्ससह 'या' स्टॉक्सचा धमाका! निफ्टीने १२ महिन्यांचा विक्रम मोडला, एका दिवसात २% तेजी
टीप : हा लेख केवळ माहितीच्या उद्देशाने आहे. म्युच्युअल फंडातील गुंतवणूक बाजारातील जोखमीच्या अधीन असते. गुंतवणूक करण्यापूर्वी आपल्या आर्थिक सल्लागाराचा सल्ला घ्यावा.