How to Make Duplicate PAN Card : आजच्या काळात पॅन कार्ड (PAN Card) हे एक अत्यंत महत्त्वाचे ओळखपत्र बनले आहे. बँक खाते उघडण्यापासून ते कर भरण्यापर्यंत प्रत्येक आर्थिक कामासाठी ते आवश्यक आहे. पण जर चुकून तुमचे पॅन कार्ड हरवले किंवा खराब झाले तर घाबरून जाण्याची गरज नाही. आता तुम्ही घरबसल्या तुमच्या स्मार्टफोन किंवा कम्प्युटरवरून त्याचे डिजिटल डुप्लिकेट म्हणजेच ई-पॅन कार्ड सहजपणे डाउनलोड करू शकता. विशेष म्हणजे, हे ई-पॅन कार्ड सर्व सरकारी आणि खाजगी कामांसाठी पूर्णपणे वैध आहे.
तुमचं पॅनकार्ड कोणत्या कंपनीचं? कसे शोधावे?
भारतात पॅन कार्ड मुख्यत्वे NSDL आणि UTIITSL या दोन एजन्सी बनवतात. याशिवाय, आता आयकर विभागाच्या वेबसाइटवरूनही 'इन्स्टंट पॅन' बनवता येते. तुमचे पॅन कार्ड कोणत्या एजन्सीने बनवले आहे हे जाणून घेण्यासाठी, तुम्ही जुन्या पॅन कार्डवर किंवा पॅन कार्ड बनवताना तुम्हाला मिळालेल्या ईमेल किंवा एसएमएसमध्ये पाहू शकता. एकदा तुम्हाला एजन्सी कळल्यावर, तुम्ही त्या एजन्सीच्या वेबसाइटवरून ई-पॅन डाउनलोड करू शकता.
ई-पॅन डाउनलोड करण्याची सोपी पद्धत
NSDL च्या वेबसाइटवरून ई-पॅन डाउनलोड करण्यासाठी
- सर्वात आधी NSDL च्या अधिकृत वेबसाइटवर जा.
- तिथे तुमचा पॅन नंबर, आधार नंबर आणि जन्मतारीख टाका.
- तुमच्या नोंदणीकृत मोबाईल नंबर किंवा ईमेलवर आलेल्या OTP (वन-टाइम पासवर्ड) ने पडताळणी करा.
- त्यानंतर, तुम्हाला ८.२६ चे छोटे शुल्क भरावे लागेल.
- पेमेंट यशस्वी झाल्यावर, तुम्हाला तुमचे ई-पॅन कार्ड लगेच डाउनलोड करता येईल.
UTIITSL च्या वेबसाइटवरून ई-पॅन डाउनलोड करण्यासाठी
- गुगलवर 'UTI PAN download' सर्च करा आणि वेबसाइटवर जा.
- 'Download e-PAN' हा पर्याय निवडा.
- तुमचा पॅन नंबर, जन्मतारीख आणि आधार नंबर भरा.
- मोबाईलवर आलेल्या OTP ने पडताळणी करा.
- OTP सत्यापित झाल्यावर तुमचे ई-पॅन कार्ड डाउनलोड होईल.
आयकर विभागाच्या वेबसाइटवरून इन्स्टंट पॅन डाउनलोड करण्यासाठी:
जर तुम्ही आधार कार्डच्या मदतीने इन्स्टंट पॅन बनवले असेल, तर आयकर विभागाच्या वेबसाइटवर जा.
- 'Instant E-PAN' सेक्शनमध्ये जा.
- तिथे तुमचा पॅन आणि आधार क्रमांक टाका.
- OTP द्वारे पडताळणी करून तुम्ही तुमचे ई-पॅन कार्ड लगेच डाउनलोड करू शकता.
वाचा - बाजारातून परदेशी गुंतवणूकदारांचा काढता पाय? १५ दिवसात २१ हजार कोटी काढले; कारण आलं समोर
या सोप्या पद्धती वापरून तुम्ही तुमचे हरवलेले किंवा खराब झालेले पॅन कार्ड काही मिनिटांतच पुन्हा मिळवू शकता आणि कोणत्याही आर्थिक व्यवहारात अडचण येणार नाही.