aadhaar online : आधारकार्ड शिवाय तुमचं एकही शासकीय काम होत नाही. इतकचं काय पण खासगी क्षेत्रातही मुख्य ओळखपत्र म्हणून आधारकार्डची मागणी केली जाते. यावरुन त्याचं महत्त्व अधोरेखित होतं. बँकिंग, मोबाईल आणि सरकारी योजना यासारख्या अनेक योजना थेट तुमच्या आधारशी जोडल्या जातात. पण, यासाठी तुमचा अधिकृत मोबाईल नंबर आधाशी लिंक असणे आवश्यक आहे. कारण, तुमचा मोबाईल नंबर आधारसोबत नोंदणीकृत केल्याने तुम्हाला वन टाइम पासवर्ड (OTP) आधारित पडताळणी, UPI व्यवहार आणि इतर डिजिटल पेमेंटमध्ये सहज प्रवेश मिळतो. पण जर तुमचा मोबाईल नंबर आधारमध्ये अपडेट केला नसेल तर तुम्हाला या सुविधांचा लाभ घेता येणार नाही. जर तुमचा नोंदणीकृत नंबर हरवला असेल किंवा कोणत्याही कारणास्तव तुमचा फोन नंबर बदलला असेल, तर तुम्ही तो ऑनलाइन देखील अपडेट करू शकता.
वाचा - रात्रभर मिसाईल्सनं ठोकलं, आता पाकिस्तानला उपाशी मारण्याची तयारी; ११ हजार कोटींची खैरात मिळणार नाही?
आधारमध्ये मोबाईल नंबर अपडेट करण्याची आवश्यकता का?
आधारमध्ये तुमचा मोबाईल नंबर अपडेट करणे खूप महत्वाचे आहे. ऑनलाइन व्यवहारांसाठी आणि आधार-आधारित पडताळणीसाठी OTP मिळवणे. आधारशी जोडलेल्या सरकारी योजनांमध्ये प्रवेश करणे आणि तुमच्या आधारशी जोडलेल्या खात्यांचे अनधिकृत प्रवेशापासून संरक्षण करणे महत्वाचे आहे. यासाठी सक्रीय असलेला मोबाईल नंबर आधारशी लिंक असणे आवश्यक आहे.
आधारमध्ये मोबाईल नंबर बदलण्याची ऑनलाइन प्रक्रिया
- अधिकृत UIDAI पोर्टल https://www.uidai.gov.in/ ला भेट द्या आणि सेल्फ-सर्व्हिस अपडेट पोर्टल (SSUP) वर जा.
- तुम्हाला अपडेट करायचा असलेला नोंदणीकृत फोन नंबर एंटर करा.
- 'OTP पाठवा' वर क्लिक करा, प्राप्त झालेला OTP एंटर करा आणि पुढे जा.
- 'ऑनलाइन आधार सेवा' मेनूमधून, तुम्हाला अपडेट करायचा असलेला पर्याय निवडा (या प्रकरणात तुमचा मोबाइल नंबर)
- आवश्यक माहिती द्या आणि तुमचा फोन नंबर सबमिट करा.
- कॅप्चा व्हेरिफिकेशन : दिलेला सुरक्षा कोड प्रविष्ट करा आणि पुढे जा.
- तुमच्या नवीन मोबाईल नंबरवर आलेला OTP एंटर करा.
- पडताळणी यशस्वी झाल्यानंतर, 'सेव्ह करा आणि पुढे जा' वर क्लिक करा.
- वर नमूद केलेल्या स्टेप्स फॉलो केल्यानंतर, आधार नोंदणी केंद्रावर अपॉइंटमेंट घ्या आणि बायोमेट्रिक प्रमाणीकरण करण्यासाठी आधार सेवा केंद्राला भेट द्या. प्रक्रिया पूर्ण करण्यासाठी आणि विहित शुल्क भरण्यासाठी आवश्यक असलेले कोणतेही अतिरिक्त कागदपत्रे द्या.