मुंबई : रविवारी मुंबईतील कमाल तापमानात घट दिसली. कुलाबा येथे ३३.२ अंश सेल्सियस तर सांताक्रूझ येथे ३१.१ अंश सेल्सियस तापमानाची नोंद झाली. सोमवारी मुंबईचे आकाश निरभ्र राहाण्याची शक्यता आहे.
उत्तर भारतातील राजस्थान आणि काश्मिर परिसरात निर्माण होणाऱ्या पश्चिमी प्रकोपचा (वेस्टर्न डिस्टबर्न्स) विपरित परिणाम म्हणून आता राज्यासह मुंबईच्या हवामानात बदल होणार आहेत.
या बदलानुसार १७, १८ व १९ मार्च रोजी मराठवाड्यासह विदर्भात गारपीटीची शक्यता आहे. मुंबईसह राज्य उष्णतेच्या लाटेने होरपळून निघाले आहे.
सोमवारी मध्य महाराष्ट्र, विदर्भात तुरळक ठिकाणी पाऊस पडण्याचा हवामान विभागाचा अंदाज आहे.
सोलापूर, परभणी, बीड, लातूर, धाराशिव, यवतमाळ, चंद्रपूर, गडचिरोली व गोंदियात मेघगर्जनेसह पावसाचा अंदाज आहे.
अधिक वाचा: ज्वारीच्या उत्पादनात घट, दरात मात्र दुपटीने वाढ; वाचा शाळू ज्वारीला प्रतिक्विंटल काय दर?