Maharashtra Weather Update : पुढील २४ तास धोक्याचे; हवामान विभागाचा काय आहे इशारा वाचा सविस्तर

Maharashtra Weather Update : फेब्रुवारी महिन्यातच राज्यात उन्हाचा चटका वाढताना दिसत आहे. हवामानातील चढ-उतारांदरम्यान आता पुढील २४ तास अत्यंत महत्त्वाचे ठरणार आहेत. हवामान विभागाने दिलेल्या अंदाजानुसार तापमानात मोठी उसळी पाहायला मिळू शकते.

Maharashtra Weather Update : राज्यातील हवामानात सध्या मोठे चढ-उतार पाहायला मिळत आहेत.सकाळी गारवा, दुपारी कडक ऊन आणि काही ठिकाणी अचानक ढगाळ वातावरण अशी स्थिती निर्माण झाली आहे. (Maharashtra Weather Update)

याच पार्श्वभूमीवर IMD ने पुढील २४ तासांसाठी महत्त्वाचा इशारा दिला असून कमाल तापमानात वाढ होण्याची शक्यता वर्तविली आहे.(Maharashtra Weather Update)

तापमानात वाढ; उन्हाच्या झळा तीव्र होणार

फेब्रुवारी महिन्याच्या मध्यातच राज्यात उन्हाचा चटका वाढताना दिसत आहे. दुपारच्या वेळी उन्हाची तीव्रता वाढत असून नागरिकांना उकाड्याचा त्रास जाणवत आहे.

हवामान विभागाच्या अंदाजानुसार, पुढील २४ तासांत कमाल तापमानात आणखी वाढ होण्याची शक्यता आहे. त्यामुळे उन्हाच्या झळा अधिक तीव्र जाणवू शकतात.

कोकण किनारपट्टी भागात दमट वातावरण कायम राहण्याची शक्यता आहे. त्यामुळे उष्णता आणि आर्द्रतेचा दुहेरी त्रास नागरिकांना सहन करावा लागू शकतो.

राज्यातील नीचांकी तापमान

राज्यातील काही भागात सकाळच्या वेळी अजूनही गारवा जाणवत आहे.

निफाड येथे राज्यातील नीचांकी तापमान ११.५ अंश सेल्सिअस नोंदवले गेले.

देशातील नीचांकी तापमान पंजाबमधील भटिंडा येथे ६.६ अंश सेल्सिअस नोंदवले गेले.

यावरून देशाच्या विविध भागांत हवामानातील तफावत स्पष्टपणे दिसून येते.

दक्षिणेकडील राज्यांत पावसाची शक्यता

राज्यात उष्णता वाढत असताना दक्षिण भारतातील काही राज्यांमध्ये पावसाची शक्यता वर्तवण्यात आली आहे.

केरळ, तामिळनाडू आणि आंध्र प्रदेशच्या काही भागांत हलक्या ते मध्यम पावसाची शक्यता हवामान विभागाने व्यक्त केली आहे.

पुढील काही दिवस कसे असणार?

हवामान विभागाने फेब्रुवारीच्या सुरुवातीलाच तापमानात चढ-उतार राहतील, असा अंदाज वर्तविला होता. त्यानुसार सध्या सकाळी थंडी आणि दुपारी उकाडा अशी स्थिती निर्माण झाली आहे. पुढील काही दिवस कमाल तापमानात वाढ होऊन उन्हाचा चटका अधिक तीव्र होणार असल्याचा अंदाज आहे.

नागरिकांसाठी सूचना

* दुपारच्या वेळी अनावश्यक बाहेर पडणे टाळावे

* भरपूर पाणी पिणे आवश्यक

* लहान मुले व ज्येष्ठ नागरिकांची विशेष काळजी घ्यावी

* उष्माघातापासून बचावासाठी सावधगिरी बाळगावी

पुढील २४ तास राज्यासाठी महत्त्वाचे ठरणार असून उन्हाच्या वाढत्या तीव्रतेकडे दुर्लक्ष करू नये, असा इशारा हवामान विभागाने दिला आहे.

शेतकऱ्यांना सल्ला

* पिकांना पाणी व्यवस्थापन करावे.

* दुपारच्या कडक उन्हात पाणी देणे टाळावे.

* सकाळी लवकर किंवा संध्याकाळी उशिरा पाणी द्यावे.

* ठिबक सिंचन पद्धतीचा वापर केल्यास पाण्याची बचत होईल.

हे ही वाचा सविस्तर :Maharashtra Weather Update : थंडीला ब्रेक, उन्हाचा अटॅक; राज्यात तापमान वाढीचा अलर्ट