इराण-अमेरिका-इस्राईल संघर्षाच्या पार्श्वभूमीवर मध्यपूर्वेतील तणावामुळे, महाराष्ट्र आणि भारतात एलपीजी गॅस पुरवठ्यावर परिणाम होण्याची भीती व्यक्त केली जात आहे.
अशा स्थितीत गॅस बचतीसाठी आपण काय करू शकतो. स्वयंपाक करताना थोड्या चांगल्या सवयी लावल्या तर गॅसची २०-३०% पर्यंत बचत होऊ शकते. यासाठी खाली काही सोपे आणि उपयुक्त उपाय दिले आहेत.
घरगुती गॅस बचतीचे १५ प्रभावी उपाय
१) प्रेशर कुकरचा जास्त वापर करा
डाळ, भात, बटाटे, कडधान्ये प्रेशर कुकरमध्ये लवकर शिजतात आणि गॅस कमी लागतो.
२) भांड्यावर झाकण ठेवा
झाकण ठेवल्यास उष्णता टिकून राहते व अन्न लवकर शिजते.
३) कडधान्ये आधी भिजवा
तूर, हरभरा, चणे, राजमा ३-४ तास भिजवले तर शिजायला कमी वेळ लागतो.
४) स्वयंपाकाची पूर्वतयारी करा
भाज्या कापणे, मसाले तयार ठेवणे आधीच केल्यास गॅस वाया जात नाही.
५) योग्य आकाराचे भांडे वापरा
मोठ्या बर्नरवर खूप लहान भांडे ठेवू नये.
६) ज्वाळा मध्यम ठेवा
जास्त मोठी ज्वाळा ठेवल्यास गॅस जास्त खर्च होतो.
७) बर्नर स्वच्छ ठेवा
बर्नरमध्ये अडथळा असल्यास गॅस पूर्ण जळत नाही.
८) सपाट तळाचे भांडे वापरा
सपाट तळ असलेली भांडी उष्णता समान पसरवतात.
९) आवश्यक तेवढेच पाणी वापरा
जास्त पाणी टाकल्यास उकळायला जास्त वेळ लागतो.
१०) फ्रिजमधील पदार्थ आधी बाहेर काढा
थंड पदार्थ थेट गॅसवर ठेवल्यास जास्त वेळ लागतो.
११) एकावेळी जास्त पदार्थ तयार करा
एकाच वेळी २-३ पदार्थ शिजवल्यास गॅसची बचत होते.
१२) लहान बर्नर योग्य कामासाठी वापरा
चहा किंवा दूध गरम करताना लहान बर्नर वापरा.
१३) वाफेचा वापर करा
भाज्या वाफेवर शिजवल्यास गॅस कमी लागतो.
१४) कुकरमधील उष्णता वापरा
कुकर बंद केल्यानंतर उरलेली उष्णता अन्न शिजवण्यास मदत करते.
१५) गॅस गळती तपासा
गॅस पाइप व रेग्युलेटर वेळोवेळी तपासल्यास गॅस वाया जाणे टळते.
अधिक वाचा: तुम्ही जारचे थंड पाणी पिताय? सावधान! वाचा जारच्या पाण्याबद्दल 'या' महत्वाच्या गोष्टी