Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

पुणे : यंदाच्या वर्षी विसर्जन मिरवणुकीला विलंब लागल्याची नैतिक जबाबदारी आम्ही स्वीकारत आहोत. पुढील वर्षात पथकांची संख्या कमी करता येईल का? किंवा पथकातील वादकांच्या संख्येबाबत मर्यादा असावी का? याचा विचार केला जाईल. दुस-याला दोष देण्यापेक्षा आम्ही आत्मपरीक्षण करणार आहोत. आमच्याकडून ज्या ज्या गोष्टी शक्य आहेत, त्या त्या गोष्टी करुन पुढच्या वर्षीची मिरवणूक लवकरात लवकर संपविण्याचा प्रयत्न करू असेआश्वासन मानाच्या गणपती मंडळाच्या पदाधिका-यांनी पत्रकार परिषदेत दिले.यंदाच्या वर्षी मानाच्या गणपतींची विसर्जन मिरवणूक तब्बल 10 तासापेक्षा अधिक कालावधीपर्यंत चालल्याने विसर्जन सोहळा संपण्यास विलंब लागला, त्याविषयी बोलताना नितीन पंडित म्हणाले, यंदाच्या वर्षी मिरवणुकीला उशीर होण्यास अनेक कारणे आहेत. दोन वर्षाच्या कोरोना महामारी नंतर उत्सव साजरा होत असल्याने भाविकांच्या भावना उर्त्स्फूत होत्या व मिरवणूक मार्गावर भाविकांची गर्दी खूप असल्याने मिरवणुकीचा वेग मंदावला. मिरवणूकसुरळीत पार पाडणे ही पोलीस प्रशासनाची जबाबदारी असली तरी आम्ही त्याची नैतिक जबाबदारी स्विकारुन पुढील रुपरेषा ठरवणार आहोत.दरम्यान, लक्ष्मी रस्त्याने मानाच्या गणपतींच्या आधी विसर्जन मिरवणूक काढण्याची परवानगी याचिका नुकतीच उच्च न्यायालयाने फेटाळली आहे. यामाध्यमातून भारतीय संस्कृतीची परंपरा जपली असून हा जय पराजय नाही, तर सक्षम व्यवस्थेवर विश्वास आहे, हे सिद्ध झाले आहे. पुणेकरांच्या श्रद्धेचा हा विजय आहे. मानाच्या गणपतींची मिरवणूक २४ तास चालते, या आरोपात काही तथ्य नाही. मानाचे गणपती इतर मंडळांना तुच्छतेची वागणूकदेतात, पोलीसांवर दबाव आणतात या गोष्टींना कुठलाही आधार नाही. ऐन गणेशोत्सवात न्यायालयात खेटे मारणे हे कार्यकर्ता म्हणून अत्यंत दुर्दैवी आहे. मुळातच याचिकाकर्त्या मंडळाने आम्हाला किंवा पोलीस प्रशासनाशी याबाबत कोणतीही चर्चा केली नाही. आमच्या हातात थेट नोटीसा पडल्या. पुढीलवर्षी परंपरा अबाधित ठेवून परिवर्तनाची कास धरण्याचा प्रयत्न आम्ही करणार आहोत असे पदाधिका-यांनी सांगितले.यावेळी श्री कसबा गणपती मंडळाचे ॠग्वेद निरगुडकर, श्री तांबडी जोगेश्वरी मंडळाचे प्रसाद कुलकर्णी, श्री गुरुजी तालीम मंडळाचे प्रविण परदेशी, श्री तुळशीबाग गणपती मंडळाचे अध्यक्ष विकास पवार, कोषाध्यक्ष नितीन पंडित, श्री केसरी वाडा गणपती मंडळाचे अनिल सकपाळ, श्रीमंत भाऊसाहेब रंगारी गणपती मंडळ ट्रस्टचे उत्सवप्रमुख पुनीत बालन आदी उपस्थित होते.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

जरा हटके :मुस्लिम बहुल इंडोनेशियाच्या चलनावर गणपतीचा फोटो; यामागे आहे 'हे' मोठे कारण...

नवी मुंबई :पर्यावरणपूरक गणेशोत्सव स्पर्धेत मोरज रिव्हरसाइड पार्क सोसायटीने मारली बाजी; आयुक्तांकडून सन्मान

रत्नागिरी :रत्नागिरीत २१ दिवसांच्या गणपती बाप्पांना साश्रूनयनाने निरोप

निर्बंधमुक्तीमुळे उत्सव धुमधडाक्यात साजरा करण्यात आला ...

मुंबई :सर्वधर्मीय आमंत्रण-लग्नपत्रिका कचऱ्यात टाकू नका; कागदापासून घडवणार गणेश मूर्ती

सर्वधर्मीय आमंत्रण-लग्नपत्रिका कचऱ्यात टाकू नका असे आवाहन स्वप्नाक्षय मित्र मंडळाने केले आहे. ...

पुणे :गणेश मंडप हटवा; अन्यथा पुढच्या वर्षी परवानगी नाही...! पुणे महापालिकेचे आदेश

पुणे :"आपला गणपती शारदा गणपती", अखिल मंडई मंडळाच्या गणपतीचा वाढदिवस उत्साहात साजरा

पुणे :'आमच्यामुळे गणपती विसर्जन मिरवणुकीला उशीर'; पुण्यातील मानाच्या गणपती मंडळांची कबुली

दुसऱ्याला दोष देण्यापेक्षा आम्ही आत्मपरीक्षण करणार आहोत... ...

पुणे :"विसर्जन मिरवणुकीला आमच्यामुळेच उशीर झाला", पुण्यातील मानाच्या गणपतींनी केले मान्य

पुढील वर्षी मिरवणूक लवकरात लवकर संपविण्याचा प्रयत्न करू ...