Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

हिंदुस्थानातील पहिल्या सार्वजनिक गणपती असलेल्या श्रीमंत भाऊसाहेब रंगारी गणपती बाप्पाचे दर्शन घेण्यासाठी भाविकांची अलोट गर्दी होत आहे. ट्रस्टने यंदा दिल्लीतील श्री स्वामी नारायण मंदिराच्या प्रतिकृतीचा देखावा साकारला असून ही प्रतिकृती पाहण्यासाठी गणेशभक्त आवर्जुन भेट देत आहेत. विशेष म्हणजे येथील आगळी-वेगळी गणेश मूर्ती भाविकांच्या आकर्षणाचे केंद्र ठरत आहे.पुण्यातील मानाच्या गणपती बाप्पासह प्रमुख आठ गणेश मंडळामध्ये श्रीमंत भाऊसाहेब रंगारी गणपती बाप्पाची गणना होते. या मंडळाने यंदा श्री स्वामी नारायण मंदिराची भव्य अशी प्रतिकृती साकारली आहे. मंदिरातील आतील बाजूस करण्यात आलेली विद्युत रोषणाई आणि सजावट भाविकांचे लक्ष वेधून घेत आहे. त्यामुळे गेल्या चार दिवसांपासून बाप्पाचे दर्शन घेण्यासाठी आणि देखावा पाहण्यासाठी गर्दी वाढतच चालली आहे. विशेष म्हणजे शनिवार आणि रविवारी या दोन सुट्टीच्या दिवशी तर भाविकांनी अलोट गर्दी याठिकाणी केली होती.दरम्यान दररोज कला, सामाजिक, राजकीय, शासकीय अशा विविध क्षेत्रातील मान्यवरांच्या हस्ते बाप्पाची आरती होते. आजवर उच्च शिक्षण मंत्री चंद्रकांत दादा पाटील, उपमुख्यमंत्री देवेंद्र फडणवीस, आमदार रोहित पवार, जयंत पाटील, विश्वजित कदम, नाना पटोले, प्राजक्ता माळी, पूजा सावंत, दिपाली सईद, अभिनेत्री तेजस्विनी पंडित, एआयएटीएफ'चे अध्यक्ष एम. एस. बिट्टा, गिरनार पर्वताच्या दत्त गुरू पीठाचे पिठाधीश महेश गिरी बापू यांच्यासह अनेक मान्यवरांनी गणरायाची आरती करून दर्शन घेतले आहे. ट्रस्टचे उत्सवप्रमुख व विश्वस्त पुनीत बालन, अध्यक्ष संजीव जावळे, जान्हवी धारीवाल-बालन हे स्वत: रोज पहाटेपर्यंत मंडळात उपस्थित असतात.रंगारी वाडा पाहण्यासाठीही गर्दीश्री स्वामी नारायण मंदिराच्या प्रतिकृती जवळच श्रींमत भाऊसाहेब रंगारी वाडा आहे. उत्सवप्रमुख व विश्वस्त पुनीत बालन यांनी नुकतेच त्याचे नुतनीकरण केले आहे. या वाड्याच्या माध्यमातून श्रीमंत भाऊसाहेब रंगारी यांचा ब्रिटीश साम्राज्याच्या विरोधातील लढाचा इतिहास भाविकांना माहिती होत आहे. त्याच बरोबर ब्रिटिशांच्या विरोधात लढाईसाठी वापरलेली शस्त्रास्त्रे ही येथे पहायला मिळत आहेत. त्यामुळे या वाड्याला गणेश भक्त आवर्जून भेट देत आहेत.विविध सामाजिक उपक्रमांचे आयोजनगणेशोत्सवात दहा दिवस विविध सामाजिक उपक्रमही सुरू आहेत. आत्तापर्यंत मंडपात आरोग्य शिबीर, दंत तपासणी हे उपक्रम झाले असून आगामी काळात नेत्र शिबीर, फिजिओथेरपी आदी उपक्रमांचे आयोजन करण्यात आले आहे.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

पुणे :'गणपती असो वा अल्ला ईश्वर...' २५ वर्षांपासून गौरी-गणपतीच्या भक्तीत मुस्लीम कुटुंब तल्लीन

हिंदू-मुस्लिमांनी स्वीकारली आमची निरपेक्ष भक्ती ...

मुंबई :'गणेशोत्सवादरम्यान मुंबईत असणं, हा एक विशेष अनुभव'; अमित शाह यांचं मराठीत ट्विट

अमित शाह सध्या सह्याद्री अतिथीगृहावर आहेत. नुकतीच मुख्यमंत्री एकनाथ शिंदे यांनी त्यांची भेट घेतली. ...

भक्ती :Ganesh Festival 2022 : गणेशमूर्तीचा अवयव दुखावल्यास अपशकुन मानावा का? त्याविषयी शास्त्रसंकेत काय आहेत, जाणून घ्या!

Ganesh Festival 2022 : गणेश मूर्तीची आपण काळजी घेतोच, पण यदाकदाचित काही विपरीत घडले तर काय करायचे तेही जाणून घ्या. ...

पुणे :मंडळांचे देखावे पाहायला जाताय! रेनकोट अन् छत्री नक्कीच जवळ ठेवा, राज्यात सर्वत्र पावसाची शक्यता

पुढील पाच दिवस हलक्या ते मध्यम स्वरूपाच्या पावसाची शक्यता ...

पुणे :श्रीमंत भाऊसाहेब रंगारी गणपतीचा श्री स्वामी नारायण मंदिराचा देखावा

मंडळाची आगळी-वेगळी गणेश मूर्ती पाहण्यासाठी आणि दर्शन घेण्यासाठी भाविकांची अलोट गर्दी ...

मुंबई :'बेस्टच'; गणेश दर्शनाकरिता चालविण्यात येणाऱ्या विशेष बस सेवेला प्रवाशांकडून उदंड प्रतिसाद

पुणे :भाऊ रंगारी गणपती बाप्पाचरणी अलोट गर्दी, बाप्पाची मूर्ती ठरतेय भाविकांच्या आकर्षणाचे केंद्र

पुणे :Photos: यंदाच्या निर्बंधमुक्त गणेशोत्सवात पुण्यातील मंडळांचे नयनरम्य देखावे