Weight Loss Smart Hacks : आजच्या काळात जवळजवळ प्रत्येक दुसरी व्यक्ती वजन कमी करण्याचा प्रयत्न करत आहे. पण अवघड डाएट प्लॅन आणि अवघड रूटीनच्या भीतीमुळे बरेचजण सुरुवातही करू शकत नाहीत. अनेकदा लोक वजन घटवण्यासाठी जेवणच कमी करतात, ज्यामुळे शरीर कमकुवत होतं आणि मेटाबॉलिझमही स्लो होतो. पण खरं हे आहे की वजन कमी करण्यासाठी महागडे डाएट चार्ट आवश्यक नसतात. काही स्मार्ट आणि सोपे हॅक्स अवलंबूनही वजन हेल्दी पद्धतीने कमी करता येऊ शकते.
जर तुम्हीही विचार करत असाल की डाएट प्लॅन शिवाय वजन कसे कमी करावे? तर हा लेख तुमच्यासाठी खूप उपयुक्त आहे. येथे आम्ही तुम्हाला तीन स्मार्ट हॅक्स सांगत आहोत, जे कोणतीही व्यक्ती आपल्या रोजच्या जीवनात सहज अवलंबू शकते. हे उपाय केवळ वजन कमी करण्यातच नाही तर दीर्घकाळ फिट राहण्यासही मदत करतात. या विषयावर अधिक माहितीसाठी आम्ही न्यूट्रिशनिस्ट नेहा सिन्हा यांनी Onlymyhealth या वेबसाइटला माहिती दिली आहे.
कॅलरी डेफिसिट तयार करा
कॅलरी डेफिसिट म्हणजे तुम्ही जितक्या कॅलरी घेत आहात, त्यापेक्षा जास्त कॅलरी खर्च करणे. यासाठी उपाशी राहण्याची काहीही गरज नाही. फक्त पोर्शन कंट्रोल आणि ॲक्टिव्ह लाइफस्टाइल आवश्यक असते. न्यूट्रिशनिस्ट नेहा सिन्हा यांच्या मते, जिना चढणे, चालणे आणि हलका व्यायामदेखील कॅलरी बर्न करण्यात मोठी मदत करतात आणि त्यातून वजन घटायला सुरुवात होते.
एकच प्रकारचे हेल्दी अन्न पुन्हा-पुन्हा खा
दररोज नवीन-नवीन पदार्थ खाल्ल्याने ओव्हरइटिंगची शक्यता वाढते. पण मर्यादित आणि हेल्दी फूड पुन्हा-पुन्हा खाल्ल्यास कॅलरी कंट्रोलमध्ये राहतं. यामुळे क्रेविंग कमी होते आणि वजन कमी करणे सोपं होतं.
लगेच परिणाम दिसले नाही तरी हार मानू नका
वजन कमी करणे ही एक स्लो प्रक्रिया आहे. यात वेळ लागतो. १० दिवसांतही फरक दिसला नाही तरी निराश होऊ नका आणि तुमच्या सवयी बदलू नका. सातत्याने केलेले छोटे-छोटे प्रयत्नच शेवटी मोठा परिणाम देतात.