एका नामांकित रेस्टॉरंटचे लज्जास्पद कृत्य समोर आले आहे. येथे रेस्टॉरंटच्या कर्मचाऱ्यांनी त्या दिव्यांग मुलीला व्हीलचेअर घेऊन आत जाण्यापासून रोखले. हे प्रकरण DLF सायबर हब येथील 'रास्ता' रेस्टॉरंटचे आहे. गुरूग्रामध्ये शुक्रवारी घडलेल्या या घटनेनंतर तरुणीने ट्विटरवर आपल्यासोबत घडलेल्या वेदना व्यक्त केल्या आहेत. या घटनेनंतर गुरुग्राम पोलिसांनीही सृष्टीशी संपर्क साधल्याचे सांगण्यात येत आहे. (Gurugram based differently abled shrishti pandey alleges to have been denied entry into raasta gurgaon in the wheelchair)
तीन वेळा विनंती केल्यानंतरही तिला जाऊ दिलं नाही
पीडित तरूणी सृष्टी पांडेने ट्विट करून या भेदभावपूर्ण वर्तनाची माहिती दिली आहे. त्यांनी ट्विटरवर आपली व्यथा मांडली. तिने सांगितले की बर्‍याच दिवसांनंतर ती शुक्रवारी तिचा जिवलग मित्र आणि कुटुंबीयांसह बाहेर गेली. मात्र रेस्टॉरंटच्या कर्मचाऱ्यांनी तिला व्हीलचेअरवर बसवण्यास नकार दिला.
#WATCH | Gurugram based differently-abled woman Shrishti Pandey alleges to have been denied entry into Raasta Gurgaon in the cyber hub by saying that "wheelchair won't go inside, because it will disturb other customers" pic.twitter.com/M5fb6y5rih
— ANI (@ANI) February 13, 2022
सृष्टीने सांगितले की, 'आम्ही रेस्टॉरंटमध्ये पोहोचलो तिथपर्यंत तिथे सर्व काही ठीक होते. तिथलं वातावरण, संगीत सगळंच खूप प्रसन्न होतं, पण आत जाताच समोरच्या डेस्कवरच्या कर्मचाऱ्यांनी आम्हाला थांबवलं. आम्ही त्यांच्या मॅनेजरला तीनदा विनंती केली पण त्यांनी व्हीलचेअर आत नेण्यास नकार दिला.'
रेस्टॉरंटच्या बाहेरच तात्काळत ठेवलं
ते म्हणाले की आत नेणे कठीण होईल, मग आम्ही व्यवस्था करू असे सांगितले. पण नंतर त्यांनी सांगितले की यामुळे आत बसलेल्या लोकांना त्रास होईल आणि मला बाहेर बसायला लावले. सृष्टी म्हणाली की मला काहीच समजले नाही. माझा भाऊ त्यांच्याशी बोलत होता, पण रेस्टॉरंटवाले खूप विचित्रपणे बोलले आणि त्याला बाहेर बसण्यासाठी खुर्ची दिली. बाहेर बसणे हास्यास्पद असल्याचे सृष्टी म्हणाली. मला थंडीत खूप त्रास होत होता. ते माझ्यासाठी असुरक्षित होते. या घटनेने मला खूप दुःख झाले आहे.
— Srishti (she/her🏳🌈) (@Srishhhh_tea) February 12, 2022
रेस्टॉरंटकडून जाहीरपणे माफी
सृष्टीच्या ट्विटनंतर या प्रकरणाने पेट घेतला, रेस्टॉरंट रास्ताचे संस्थापक आणि भागीदार गौतमेश सिंह यांनी तिच्या ट्विटला उत्तर दिले. सिंग यांनी लिहिले- मी वैयक्तिकरित्या या प्रकरणाची चौकशी करत आहे. संपूर्ण टीमच्या वतीने, तुम्हाला आलेल्या कोणत्याही वाईट अनुभवाबद्दल मी माफी मागतो आणि या प्रकरणाची चौकशी सुरू करतो. निश्चिंत राहा आमच्या कर्मचाऱ्याची चूक आढळल्यास त्याच्यावर योग्य ती कारवाई केली जाईल.
सरकारी नोकरीची पॉवर! आधी चेहरा पाहून नकार दिला अन् आता त्याच मुलासोबत लग्नाची तयारी
सृष्टी म्हणाली की, माझ्यासोबत असे घडण्याची ही पहिलीच वेळ नाही. मला इतर अनेक ठिकाणी शाळा आणि शैक्षणिक संस्थांमध्ये अशीच वागणूक दिली गेली, त्यामुळे मला या ठिकाणांना भेट देण्यापासून वंचित राहावे लागले. आता हे माझ्यासोबत रेस्टॉरंटमध्ये घडले. असं वाटतं की सगळयांनाच मी नकोशी आहे.