(Image Credit- Humans of bombay)
बरेचदा लोक म्हणतात की वयाची ६० वर्ष पार केल्यानंतर देवाचे नाव घ्यावे आणि आपले आयुष्य शांततेत व्यतीत करावे. समाजाच्या नजरेत, हे जीवनाचे शेवटचे दिवस आहेत, जिथे आपण आपले आयुष्य जुने दिवस आठवत घालवता. पण दिल्लीच्या रहिवासी असलेल्या सुल्तानाचा आयुष्याबद्दलचा भिन्न दृष्टीकोन आहे. वयाच्या 64 व्या वर्षी ती स्वत: साठी एक योग्य पती शोधत आहे. जेव्हा जेव्हा पावसाळ्यात त्याला एकटे वाटेल किंवा संध्याकाळी चहा घ्यावासा वाटेल तेव्हा तेव्हा त्यांना कोणीतरी सोबत हवं आहे.
ह्यूमन्स ऑफ बॉम्बेने आपल्या इन्स्टाग्रामवर दिल्लीस्थित सुल्ताना नावाच्या आजींची कहाणी शेअर केली आहे. सुल्ताना सांगतात की. '' वयाच्या 60 व्या वर्षी त्या एक डेटिंग अ‍ॅप वापरत आहेत. जेव्हा माझ्या नातेवाईकांना हे कळलं तेव्हा ते म्हणाले , “वयाच्या 60 व्या वर्षी तुम्हाला मुलगा हवाय? त्यापेक्षा घरात शांतपणे बसा आणि प्रार्थना करा. " त्या असं बोलल्यानंतर मी खूप रागावले आणि महिलांना गरजा नसतात का असा प्रश्न विचारला.''
काय आहे सुल्ताना यांची कहाणी
सुल्ताना जेव्हा जन्माला आल्या तेव्हा त्यांच्या येण्यानं आईच्या मनात घृणास्पद भावना होती. जेव्हा सुल्ताना ५ वर्षांच्या झाल्या तेव्हा त्यांच्या आईनं सांगितले की आम्हाला चौथी मुलगी नको होती. अनेकदा आम्ही अबॉर्ट करण्याचाही प्रयत्न केला. त्यानंतर सुल्ताना या अनवांटेड चाइल्ड म्हणून राहिल्या. मोठं होऊन नेहमी काहीतरी चांगलं करावं अशी त्यांची इच्छा होती. पण फक्त सहावीपर्यंत शिक्षण घेता आलं. त्या त्यांच्या भावंडांसह राहत होत्या. सुल्तानाचे वडील नेहमीच तिला खूप जवळंच आणि स्पेशल फिल करून द्यायचे.
सुल्ताना यांनी सांगितले की, कसंतरी त्यांना एक महाविद्यालय मिळालं. जिथे त्यांना एअर होस्टेसची जाहिरात दिसली. हे पाहिल्यानंतर त्यांनी जबरदस्तीने त्यासाठी अर्ज केला, त्यानंतर मुंबईत येण्यास सांगण्यात आले. मुंबईला जाण्याबाबत, त्यांची आई म्हणाली की, 'जर गेलीस तर कापून टाकेन.' पण सुल्तानाकडे गमावण्यासारखं काहीच नव्हतं. वयाच्या 20 व्या वर्षी जिथं चुलत चुलतभाऊ मुलं जन्माला घालत होते. त्याच वयात सुलताना करियरसाठी बाहेर पडल्या. त्यावेळी सुलताना यांच्याकडे फक्त हजार रुपये होते.
त्या मुंबईत वडिलांच्या मित्राच्या घरी राहत होत्या, पण एअर होस्टेसच्या प्रशिक्षणाचा वेळापत्रक नव्हते, म्हणून त्यांना तेथून काढण्यात आले. त्यानंतर सुल्ताना चर्चगेट स्टेशनवर बरेच दिवस झोपल्या आणि दिवसभर अंडी खाऊन दिवस काढले. त्यांचे प्रशिक्षण 3 महिन्यांनंतर संपले तेव्हा त्या अधिकवेळ फ्लाइटवरच रहायच्या. यावेळी घरी येणे कमी होते, पण त्यावेळी त्यांना खूप एकटे वाटायचे. बर्‍याच वेळा त्या एअरक्राफ्ट मध्ये रडायच्या.
१९८९ मध्ये न्यूयॉर्कमध्ये त्याची एका मुलाशी भेट झाली. काही आठवड्यांत त्याने सुल्ताना यांना प्रपोज केले. वयाच्या ३२ व्या वर्षी सुल्ताना अविवाहित होत्या, म्हणून त्या लगेचच हो म्हणाल्या. पण काही काळानंतर तो समलैंगिक असल्याचे समजले. यामुळे त्यांना खूप त्रास झाला आणि लवकरच त्यांचा घटस्फोट झाला.
त्याचवेळी वडिलांची प्रकृती खालावली. त्यांना बरे वाटण्यासाठी सुल्ताना युरोप टुरवर त्यांना घेऊन गेल्या. एक दिवस त्यांना पाहताना वडील म्हणाले , 'पूर्वीच्या जीवनात काहीतरी चांगले केले असावे जे मला तुझ्यासारखी मुलगी मिळाली.' सुलताना यांनी 20 वर्षे वडीलांची सेवा केली. २०१५ मध्ये जेव्हा ते सेवानिवृत्त झाले, तेव्हा त्या दिल्लीत स्थायिक झाल्या. आता त्या तेथेच राहतात आणि स्वत: ला तंदुरुस्त ठेवण्यासाठी योगा करतात.