डार्क चॉकलेट खाऊन वजन करा झटपट कमी, वेटलॉस करण्याचा गोड उपाय - खा बिंधास्त...

Dark Chocolate Is Good For Weight Loss : 8 Healthy Reasons to Eat Dark Chocolate For Weight Loss : Dark Chocolate For Weight Loss : चॉकलेट खाऊन वजन वाढेल याची चिंताच सोडा, कारण हाच तर आहे वजन कमी करण्याचा गोड उपाय...

चॉकलेट्स खाऊन देखील आपण (Dark Chocolate Is Good For Weight Loss) वाढणारं वजन कमी करु शकतो, असं म्हटलं तर कुणाचाही विश्वास बसणार नाही. डार्क चॉकलेट्स खाल्ल्याने अनेक लहान - मोठ्या शारीरिक समस्यांपासून आपण स्वतःचा बचाव (Dark Chocolate For Weight Loss) करु शकतो. डार्क चॉकलेट्स मध्ये लोह, मॅग्नेशियम, तांबे, जस्त, फायबर आणि अँटी-ऑक्सिडंट्स सारखे अनेक पोषक घटक फार मोठ्या प्रमाणांत असतात.

डार्क चॉकलेटमध्ये असणारे पोषक घटक (8 Healthy Reasons to Eat Dark Chocolate For Weight Loss) हृदय, मेंदू आणि पोटासाठी फार फायदेशीर असतात. याचबरोबर वजन कमी करण्यासाठी देखील डार्क चॉकलेट खाणे उपयोगी ठरते. डार्क चॉकलेट खाऊन वजन कमी करण्यास कशी मदत होते ते पाहूयात.

१. साखरेचे प्रमाण कमी :-

इतर चॉकलेट्सच्या तुलनेत डार्क चॉकलेट्समध्ये साखरेचे प्रमाण फार कमी असते. अशा परिस्थितीत, ज्यांना वजन कमी करण्यासाठी आहारातील कॅलरीजचे प्रमाण कमी करायचे आहे त्यांच्यासाठी हा एक चांगला पर्याय असू शकतो. डार्क चॉकलेट वजन कमी करण्यास मदत करते.

२. अँटिऑक्सिडंट्सयुक्त :-

डार्क चॉकलेट, विशेषतः ज्या चॉकलेटमध्ये कोकोचे प्रमाण जास्त असते अशा डार्क चॉकलेटमध्ये फ्लेव्होनॉइड्स सारखे अँटीऑक्सिडंट्स भरपूर प्रमाणांत असतात, जे चयापचय क्रियेचा वेग सुधारण्यास आणि शरीराला आलेली सूज कमी करण्यास मदत करतात. चयापचय क्रियेचा वेग वाढल्याने वजन कमी होण्यास अधिक मदत होते.

३. भूकेवर नियंत्रण ठेवता येते :-

डार्क चॉकलेट रक्तातील साखरेची पातळी संतुलित राखण्यास मदत करते. यामुळे भुकेच्या हार्मोन्सवर नियंत्रण ठेवता येते. यामुळे वारंवार लागणारी भूक किंवा क्रेविंग्स यावर नियंत्रण ठेवता येते. वारंवार भूक न लागल्याने तुम्ही जास्त खाणे टाळू शकता परिणामी तुमचे वजन कमी होऊ शकते.

४. कोकोचे प्रमाण ७०% किंवा त्याहून अधिक :-

डार्क चॉकलेटमध्ये कोकोचे प्रमाण जितके जास्त असेल तितकी त्यात साखर कमी असते. यामुळे शरीराला आवश्यक अँटी-ऑक्सिडंट्स यातून मिळतात. वजन कमी करण्यासाठी कमीत कमी ७०% कोकोचे प्रमाण असलेले डार्क चॉकलेट खावे.

५. वजन वाढवणाऱ्या पदार्थांचे प्रमाण कमी :-

डार्क चॉकलेटमध्ये साखर, दूध आणि आर्टिफिशियल प्रिझर्व्हेटिव्ह सारखे कृत्रिम घटक कमी किंवा अजिबात नसतात. यासाठी निरोगी राहण्यासोबतच वजन कमी करण्यासाठी डार्क चॉकलेट खाणं हा सर्वोत्तम पर्याय असू शकतो. डार्क चॉकलेटमध्ये साखर, दूध आणि आर्टिफिशियल प्रिझर्व्हेटिव्ह सारखे घटक जितके कमी असतील तितके त्याची शुद्धता अधिक असते.

६. बॅड कोलेस्टेरॉल होते कमी :-

आपल्या शरीरात बॅड कोलेस्टेरॉल आणि गुड कोलेस्टेरॉल असे दोन प्रकार असतात. यापैकी बॅड कोलेस्टेरॉलच प्रमाण कमी करण्यासाठी डार्क चॉकलेटची मदत होते. त्यामुळे वजन कमी करण्यासोबतच हृदयासाठीही डार्क चॉकलेट फायदेशीर मानले जाते.

७. पचनशक्ती सुधारते :-

डार्क चॉकलेटमध्ये असे काही घटक असतात, जे पचन क्रियेसाठी उपयुक्त ठरणाऱ्या एन्झाईम्सला सक्रिय करतात. त्यामुळे शरीरातील चयापयच क्रिया सुधारते. चयापचय क्रियेचा वेग वाढल्यामुळे पचनशक्ती सुधारते. तसेच शरीरात अतिरिक्त चरबी साठून राहत नाही. त्यामुळेही वजन कमी होण्यास फायदा होतो.

८. जास्त प्रमाणांत फायबर :-

डार्क चॉकलेटमध्ये खूप जास्त प्रमाणात फायबर्स असतात. हे फायबर पोटात गेल्यानंतर आपल्याला बराच वेळ भूक लागत नाही. त्यामुळेही वजन कमी करण्यासाठी डार्क चॉकलेट उपयुक्त ठरते. त्यामुळे दररोज डार्क चॉकलेटचा एक छोटासा तुकडा तोंडात टाकायला काहीच हरकत नाही.