रोज जीम-कडक डाएट करुनही वजन कमी होत नाही? तज्ज्ञ सांगतात, ४ चुका टाळा- तरच झरझर उतरेल वजन

काही जण असे असतात जे नियमितपणे व्यायाम करतात. खाण्यापिण्याची पथ्यही पाळतात पण तरीही त्यांचं वजन उतरत नाही.

तुमच्याही बाबतीत असं होत असेल तर पुढे सांगितलेली काही पथ्ये पाळा, यामुळे वजन कमी होण्यासाठी निश्चितच प्रयत्न होईल असं तज्ज्ञ सांगतात.

पहिली गोष्ट म्हणजे भरपूर प्रमाणात पाणी प्या. अनेक जण खूप कमी पाणी पितात. पाणी भरपूर प्रमाणात प्यायल्यामुळे पचनक्रिया चांगली होते. बॉडी डिटॉक्स होते. शरीरातले विषारी पदार्थ शरीराबाहेर निघून जातात.

काही तेलामध्ये आणि तुपामध्ये गुड फॅट भरपूर प्रमाणात असतात, असं म्हणून अनेकजण काही तेलकट, तुपकट पदार्थ भरपूर प्रमाणात खातात. हे खाणं टाळायला हवं.

वेटलॉस करायचं असेल तर फायबरयुक्त पदार्थ जास्त प्रमाणात खाणं गरजेचं आहे. त्यामुळे तुमच्या आहारातलं फायबरचं प्रमाण वाढवा.

शरीरातल्या प्रोटीनच्या कमतरतेकडे अनेकांचं दुर्लक्ष होतं. त्यामुळे त्याकडेही लक्ष द्या. आहारातलं प्रोटीन्सचं प्रमाणही वाढवा. शरीरात पुरेशा प्रमाणात प्रोटीन्स गेले तर वजन कमी होण्यास निश्चितच मदत होते.