1 / 9कोरोना व्हायरसचा वेगाने प्रसार होत आहे. रुग्णांची संख्या सातत्याने वाढतं आहे. त्यामुळेच फक्त मास्क लावणं आणि सोशल डिस्टंसिंग पुरेसं नाही. व्हायरससोबत लढण्यासाठी शरीर मजबूत असणं अत्यंत महत्त्वाचं आहे. 2 / 9जेव्हा रोगप्रतिकारक शक्ती मजबूत असते तेव्हा शरीर बाहेरच्या इन्फेक्शनशी चांगल्या प्रकारे लढू शकतं. अशा परिस्थितीत जर तुम्हाला कोरोनासारखे आजार टाळायचे असतील, तर तुमची रोगप्रतिकारक शक्ती वाढवणं गरजेचं आहे. ५ सोप्या आणि प्रभावी पद्धतीने तुम्ही तुमची रोगप्रतिकारक शक्ती मजबूत करू शकता.3 / 9रोगप्रतिकारक शक्ती मजबूत ठेवण्यासाठी सर्वात महत्त्वाचं पाऊल म्हणजे संतुलित आहार. हिरव्या भाज्या, फळं, सुकामेवा, डाळी, दही यामध्ये शरीरासाठी आवश्यक मिनरल्स आणि व्हिटॅमिन्स असतात. 4 / 9व्हिटॅमिन सी (लिंबू, आवळा, संत्र) आणि व्हिटॅमिन डी (सूर्यप्रकाश) रोगप्रतिकारक शक्ती वाढवण्यासाठी खूप फायदेशीर आहेत. पौष्टिक आहार हा निरोगी आरोग्यासाठी गरजेचा आहे. 5 / 9दररोज किमान ३० मिनिटं व्यायाम, जसं की योगा, चालणे किंवा स्ट्रेचिंग करा. याने शरीर तंदुरुस्त राहतं आणि रोगप्रतिकारक शक्ती देखील वाढते. विशेषतः प्राणायाम आणि अनुलोम-विलोम हे फुफ्फुसांची क्षमता वाढविण्यास मदत करतात.6 / 9रोगप्रतिकारक शक्तीसाठी चांगली झोप घेणं खूप महत्त्वाचं आहे. कारण ते शरीराचं संसर्गापासून संरक्षण करतं. म्हणून झोपेची कमतरता नसावी. 7 / 9पाण्याच्या कमतरतेमुळे शरीरात विषारी पदार्थ जमा होऊ शकतात, ज्यामुळे रोगप्रतिकारक शक्ती कमकुवत होते. जर तुम्हाला हवं असेल तर तुमच्या दिनचर्येत नारळ पाणी, हर्बल टी किंवा लिंबू पाणी समाविष्ट करा.8 / 9जास्त ताणाचा रोग प्रतिकारशक्तीवरही वाईट परिणाम होतो. यासाठी मेडिटेशन, गाणी ऐका, आवडता छंद जोपासा आणि कुटुंबासोबत वेळ घालवा. मन शांत असणं आवश्यक आहे.9 / 9कोरोनासारख्या साथीच्या आजारापासून बचाव करण्यासाठी, केवळ बाहेरून खबरदारी घेण्यासोबतच स्वतःला आतून बळकट करणं देखील महत्त्वाचं आहे. हे ५ सोपे आणि नैसर्गिक उपाय तुम्हाला फक्त कोरोनापासूनच नव्हे तर इतर आजारांपासून देखील सुरक्षित ठेवण्यास मदत करतील.