फिंगर चिप्स, स्प्रिंग पोटॅटोवरचा पेरी पेरी मसाला आवडतो? घ्या रेसिपी, विकतपेक्षाही टेस्टी मसाला आता घरीच करा

1 / 8

पेरी पेरी मसाला घातलेले फिंगर चिप्स, स्प्रिंग पोटॅटो हे पदार्थ म्हणजे लहान मुलांच्या विशेष आवडीचे. कारण या मसाल्याला असणारी चव लहानांसकट मोठ्यांनाही खूप आवडते.

2 / 8

हा चवदार मसाला घरीच करणं अतिशय सोपं आहे. त्यासाठी आपल्या रोजच्या वापरातलेच काही मसाले एका विशिष्ट प्रमाणात घ्यायचे आहेत. त्यासाठी नेमकं काय करायचं ते पाहा..

3 / 8

सगळ्यात आधी तर लाल तिखट, गरम मसाला आणि कांदा लसूण मसाला हे सगळं प्रत्येकी एकेक चमचा घ्या.

4 / 8

आता त्यामध्ये १ चमचा साखर घाला. साखरेमुळे मसाल्याला अतिशय चटपटीतपणा येतो.

5 / 8

आता त्यामध्ये १ चमचा आमचूर पावडर, १ चमचा मीठ आणि १ चमचा मिरेपूड घाला.

6 / 8

यानंतर त्यात आणखी एक पदार्थ घालायचा आहे आणि तो म्हणजे १ चमचा ओवा.

7 / 8

आता हे सगळे पदार्थ मिक्सरच्या भांड्यात घाला आणि एकत्र बारीक करून घ्या.

8 / 8

छान चटपटीत पेेरीपेरी मसाला तयार...आपल्या घरच्या कित्येक पदार्थांमध्येही तुम्ही हा मसाला घालू शकता. ही रेसिपी savitakitchenqueen या इंस्टाग्राम पेजवर शेअर करण्यात आली आहे.