मराठवाडा स्पेशल रेसिपी: झणझणीत मराठवाडी लसणाचा भुरका, महिनाभर टिकणारा पारंपरिक पदार्थ

1 / 7

चटणी, लोणचं, ठेचा यापेक्षा तोंडी लावायला काहीतरी वेगळं हवं असेल तर तिखट आणि लसूण असणारा झणझणीत भुरका एकदा करून पाहाच..

2 / 7

भुरका करण्याची रेसिपी अतिशय सोपी असून अवघ्या ५ मिनिटांत झणझणीत भुरका तयार होऊ शकतो.

3 / 7

त्यासाठी सगळ्यात आधी भरपूर लसूण सोलून घ्या. कारण जेवढा जास्त लसूण तुम्ही त्यात घालाल तेवढा भुरका जास्त चवदार होतो. लसूणाच्या पाकळ्या जाड्याभरड्या ठेचून घ्या.

4 / 7

यानंतर गॅसवर लहान कढई गरम करायला ठेवा. त्यामध्ये २ चमचे तेल घाला. तेल तापल्यानंतर त्यात मोहरी घालून फोडणी करून घ्या.

5 / 7

फोडणी झाल्यानंतर साधारण १ चमचा ठेचलेला लसूण त्यामध्ये घाला. लसूण खमंग परतून लालसर झाल्यानंतर त्यात तीळ घाला.

6 / 7

तीळ परतून झाल्यानंतर त्यात २ टेबलस्पून लाल तिखट घाला. चवीनुसार मीठ घाला आणि त्यानंतर साधारण एखाद्या मिनिटाने गॅस बंद करा. तिखट अधूनमधून हलवत राहा.

7 / 7

मस्त झणझणीत चवीचा भुरका तयार. हा भुरका भाकरीसोबत विशेष चवदार लागतो. भुरका खाताना त्यासोबत कांदा तोंडी लावा. चव आणखी खुलेल.