कढी फुटू नये यासाठी ७ टिप्स; हिवाळ्यात मारा गरमागरम कढीचा भुरका- खा कढीभात

1 / 7

घरी कढी करताना अनेकदा फुटते अशी बऱ्याचजांची तक्रार असते. यावर उपाय म्हणून काही टिप्स पाहू. कढीसाठी शक्यतो ताजं, फार आंबट नसलेलं दही वापरा. (How To Prevent Kadhi from Curdling)

2 / 7

बेसन दह्यात किवा ताकात घातल्यापूर्वी एका भांड्यात दही-ताक आणि बेसन एकत्र करून गुठळ्या राहणार नाहीत अशा प्रकारे फेटून घ्या.

3 / 7

कढी उकळण्यापूर्वी त्यात मीठ घालू नका. मिठामुळे कढी फुटण्याची शक्यता असते. मीठ आणि हळद नेहमी कढीला चांगली उकळी आल्यानंतर आणि ती चांगली शिजल्यानंतर घालावी.

4 / 7

कढी नेहमी मंद आचेवरच शिजवावी. जास्त तीव्र आजेवर ती लवकर फुटू शकते.

5 / 7

कढीला पहिली उकळी येईपर्यंत आणि 10 ते 15 मिनिटं एकाच दिशेनं ढवळत राहा ज्यामुळे कढी फुटत नाही.

6 / 7

कढी करण्यापूर्वी दही किंवा ताक किमान अर्धा तास आधी फ्रिजमधून काढून ठेवा. जेणेकरून रूम टेम्परेचरवर येईल.

7 / 7

कढी कधीही पातळ करावीशी वाटली तर त्यात थंड पाणी घालू नका. नेहमी गरम पाणी घाला.