१४ दिवस रोज कॉफी प्यायल्याने शरीरात काय बदल होतात? समजल्यावर रोजच म्हणाल एक कप और

1 / 9

आपल्यापैकी बहुतेकांना दिवसाची सुरुवात एक कप गरम कॉफी किंवा चहाने करायला आवडते. पण आपण अनेकदा ऐकतो की जास्त कॉफी प्यायल्याने झोप येत नाही, अस्वस्थता जाणवते किंवा ॲसिडिटी वाढते.

2 / 9

हार्वर्ड आणि स्टॅनफोर्ड सारख्या जगातील नामांकित संस्थांमधून शिक्षण घेतलेले प्रसिद्ध गॅस्ट्रोएन्टेरोलॉजिस्ट डॉ. सौरभ सेठी यांनी इन्स्टाग्रामवर एक व्हिडीओ शेअर करून याबाबत महत्त्वाची माहिती दिली आहे.

3 / 9

डॉ. सेठी यांच्या मते, जर कॉफी योग्य पद्धतीने आणि योग्य प्रमाणात प्यायली तर ती तुमच्या आरोग्यासाठी एखाद्या वरदानापेक्षा कमी नाही. कॉफी पिण्याचे फायदे जाणून घेऊया...

4 / 9

डॉ. सेठी सांगतात की, दररोज कॉफी प्यायल्याने लिव्हरला खूप फायदा होतो. ती लिव्हरमध्ये फॅट जमा होण्यापासून रोखते आणि फायब्रोसिस तसेच सिरोसिससारख्या गंभीर आजारांचा धोका कमी करते. सोप्या भाषेत सांगायचं तर, ती तुमच्या लिव्हरचं 'सर्व्हिसिंग' करून त्याला निरोगी ठेवते.

5 / 9

कॉफीमध्ये 'क्लोरोजेनिक ॲसिड' सारखे घटक असतात. हे घटक शरीरातील इन्सुलिन सेन्सिटिव्हिटी सुधारतात. याचा अर्थ असा की तुमचे शरीर अन्नातून मिळणाऱ्या ऊर्जेचा अधिक चांगल्या प्रकारे वापर करू शकते, ज्यामुळे तुमचं मेटाबॉलिज्म सुधारतं.

6 / 9

डॉ. सेठी यांच्या मते, कॉफीमधील कॅफिन तुमच्या मेंदूची सतर्कता आणि लक्ष केंद्रित करण्याची क्षमता वाढवतं. ती तुम्हाला केवळ जागं ठेवत नाही, तर तुमची मानसिक कामगिरी देखील सुधारतं, ज्यामुळे तुम्हाला अधिक एक्टिव्ह वाटतं.

7 / 9

डॉ. सेठी सांगतात की, कॉफी 'बाउल मूव्हमेंट' उत्तेजित करते. म्हणजेच ती आतड्यांची हालचाल वाढवते, ज्यामुळे पचन प्रक्रिया सोपी होते आणि पोट साफ होण्यास मदत मिळते.

8 / 9

IBS च्या रुग्णांनी सावध राहावं - ज्यांना 'इरिटेबल बाउल सिंड्रोम' (IBS) चा त्रास आहे, त्यांनी कॉफी विचारपूर्वक प्यावी, कारण यामुळे त्यांची समस्या वाढू शकते.

9 / 9

दिवसभरात १ ते ३ कप ब्लॅक कॉफी पुरेशी आहे. परंतु कॉफी प्यायल्यामुळे जर तुमची धडधड वाढत असेल, अस्वस्थता किंवा झोप न येणं असे त्रास होत असतील, तर त्याचं प्रमाण त्वरित कमी करा.