1 / 7मस्त आंबट गोड कैरी तिखट मीठ लावून खायला मजा काही वेगळीच येते. हीच कैरी वापरुन काही पदार्थही करता येतात. उन्हाळ्यात खास आवडीने खाल्ले जातात. आंबट-तिखट चवीमुळे हे पदार्थ खूपच चविष्ट लागतात. कैरीचे काही लोकप्रिय पदार्थ नक्की करा.2 / 7कैरीचे पन्हे हे उन्हाळ्यात शरीराला थंडावा देणारे आणि उन्हाच्या झळांपासून बचाव करणारे पेय आहे. कैरी उकडून त्यात साखर, मीठ आणि जिरेपूड घालून ते तयार केले जाते. गुळाचेही करता येते. गूळ घातलेले जास्त पौष्टिक ठरते.3 / 7कैरीची चटणी ही कोथिंबीर, हिरवी मिरची, मीठ आणि थोडी साखर घालून केली जाते. भाकरी, पोळी किंवा स्नॅक्ससोबत ती खूप छान लागते. त्यात कांदा लसूण असे इतरही पदार्थ घालता येतात. 4 / 7कैरीचा भात हा दक्षिण भारतीय पद्धतीने केला जाणारा चविष्ट पदार्थ आहे. किसलेली कैरी, कढीपत्ता, मोहरी आणि मसाले घालून भात तयार केला जातो.5 / 7कैरीचे लोणचे हे फार लोकप्रिय असते. कैरीचे तुकडे करुन त्यात मीठ, लाल तिखट, मोहरी, लोणचं मसाला तेल आदी पदार्थ घालून बनवले जाते. हे दीर्घकाळ टिकते आणि जेवणाची चव वाढवते.6 / 7कैरीची डाळ ही चण्याच्या डाळीत किसलेली कैरी, मिरची आणि फोडणी घालून केली जाते. ही डिश हलकी, चविष्ट आणि पौष्टिक असते. मार्च ते मे या दरम्यान घरोघरी ही डाळ केली जाते.7 / 7कैरीची आमटी हा आंबट-गोड आणि तिखट चवीचा छान पदार्थ आहे. शिजवलेल्या कैरीमध्ये गूळ, मसाले आणि फोडणी घालून ही आमटी तयार केली जाते. भातासोबत ती विशेष चविष्ट लागते. त्यात ताजा नारळ घालून वाटण केले जाते. नक्की करुन पाहा.