सकाळी उठताच 'हे' पाणी प्या- दिवसेंदिवस चेहऱ्यावरचं तेज वाढतच जाईल, आरोग्यालाही मिळतील भरपूर फायदे

त्वचेवर नॅचरल ग्लो हवा असेल आणि त्यासोबतच तब्येतही ठणठणीत ठेवायची असेल तर पुढे सांगितलेला एक सोपा उपाय नक्कीच खूप उपयोगी येऊ शकतो.

हा उपाय करण्यासाठी रोज रात्री झोपण्यापुर्वी १ ग्लास पाणी घ्या. त्या पाण्यामध्ये अर्धा चमचा बेदाणे भिजत घाला.

यानंतर त्या पाण्यामध्ये अर्धा चमचा बडिशेप घाला. दररोज सकाळी उपाशीपोटी हे पाणी पिऊन टाका आणि बडिशेप तसेच बेदाणे बारीक चावून खा.(5 amazing benefits of having soaked kishmish and badishep)

हा उपाय नियमितपणे केल्यास अंगात ताकद येते. हिमोग्लोबिन वाढते. त्याचा आपोआपच खूप चांगला परिणाम तुमच्या त्वचेवर दिसू लागतो. त्वचा तजेलदार होते.

ज्यांना अपचनाचा नेहमीच त्रास होतो, त्यांनाही हा उपाय खूप उपयुक्त ठरतो. कारण हे पाणी रोज प्यायल्यामुळे अपचन, ॲसिडीटी, बद्धकोष्ठता असा त्रास कमी होतो.

भिजवलेल्या बेदाण्यांमधून कॅल्शियम आणि पोटॅशियमही भरपूर प्रमाणात मिळते. त्यामुळे हाडांना बळकटी देण्यासाठीही हा उपाय उपयुक्त ठरतो.

आजारपणातून उठलेल्या अशक्त व्यक्तींना रोज या पद्धतीने तयार केलेलं पाणी प्यायला दिलं तर त्यांना लवकर ताकद येते.

खोकला आणि कफ हा त्रास कमी करण्यासाठीही बेदाणे फायदेशीर ठरतात. ही माहिती डॉक्टरांनी dr.sharmarobin या इंस्टाग्राम पेजवर शेअर केली आहे.