एकदा नाही दोनदा लग्न मोडलं माझं, त्याचं कारण काय असेल? तर माझं इमोशनल शटडाऊन, जोडीदाराला हवं तेव्हा मी नव्हतोच मनानं तिथं. कामात स्वत:ला इतकं झोकून दिलं की ना मी घरात होतो ना नात्यात, ना इमोशनली अव्हेलेबल होतं. माझं हे असं इमोशनल शटडाऊन होणंच, माझ्या नात्यातली गडबड होती. नातं म्हणून तुटलं हे आता मला कळतंय. (Both my marriages broke up! Aamir Khan reveals the terrible consequences of emotional shutdown)आमीर खानने एका मुलाखतीत हे मोकळेपणानं मान्य केलं. इमोशनल शटडाऊन म्हणजे काय हा प्रश्न अनेकांना ते ऐकून पडलाच असेल..तर इमोशनल शटडाऊन, संकल्पना ऐकायला नवी वाटली तरी त्यात काही नवीन नाही. तुम्ही आम्हीही बरेचदा असेच वागत असतो, फरक एवढाच ते मान्य करण्याची हिंमत आमीर खानमध्ये आहे, आपल्याकडे असतेच असं नाही.
इमोशनल शटडाऊन साधारणपणे ताण, सततचा मानसिक दबाव, भावनिक धक्का, नातेसंबंधातील त्रास किंवा दीर्घकाळ दुर्लक्षित झालेल्या भावनांमुळे होतो. जेव्हा भावना व्यक्त करणे खूप वेदनादायक, गोंधळात टाकणारे किंवा असुरक्षित वाटते, तेव्हा मेंदू आपोआप भावना लपवण्याचा मार्ग निवडते. ही क्रिया एवढी प्रभावी होते की फक्त इतरांना प्रतिसाद देण बंद करता करता स्वतःलाही काही जाणवणे बंद होते आणि ते पटकन लक्षातही येत नाही.
या अवस्थेत व्यक्तीला आनंद, दुःख, राग किंवा उत्साह काहीच नीट जाणवत नाही. काहीही वाटत नाही. सगळं बोथट झाल्यासारखं आहे किंवा मला फरकच पडत नाही अशी वाक्ये ती व्यक्ती सतत वापरते. इतरांशी संवाद कमी होतो, जवळच्या लोकांपासून दुरावल्यासारखे वाटते आणि स्वतःच्या भावनांशी संपर्क तुटल्याची जाणीव होते. काही जणं या स्थितीला इमोशनल बॅलंस, सेल्फ रियलायझेशन किंवा मुव्ह ऑन होणे समजतात, मात्र तसे नसून ही पेचात पाडणारी मानसिक स्थिती आहे. भावना हा आयुष्याचा भाग आहे. त्या अनुभवणे आणि व्यक्त होणे हे श्वास घेण्याएवढेच महत्त्वाचे आहे. त्यामुळे तुमचेही कधी इमोशनल शटडाऊन होत असेल तर ते होऊ न देता, व्यक्त व्हा. वेळेप्रसंगी तज्ज्ञांकडेही जा. मानसिक आरोग्य छान राहण्यासाठी याची गरज असते.
Web Summary : Aamir Khan confessed emotional shutdown led to his divorces. He wasn't emotionally present for his partners, prioritizing work. Emotional shutdown is a defense mechanism where one stops expressing feelings due to stress, trauma or neglected emotions, leading to detachment and mental fatigue. Expressing emotions is vital; seek expert help if needed.
Web Summary : आमीर खान ने कबूल किया कि इमोशनल शटडाउन के कारण उनके तलाक हुए। वे अपने काम को प्राथमिकता देते हुए अपने भागीदारों के लिए भावनात्मक रूप से मौजूद नहीं थे। इमोशनल शटडाउन एक रक्षा तंत्र है जहाँ तनाव, आघात या उपेक्षित भावनाओं के कारण कोई व्यक्ति भावनाओं को व्यक्त करना बंद कर देता है, जिससे अलगाव और मानसिक थकान होती है। भावनाओं को व्यक्त करना महत्वपूर्ण है; जरूरत पड़ने पर विशेषज्ञ की मदद लें।