पोरी हुश्शार! हॉकीच्या मैदानावर फडकवला तिरंगा; भारताच्या रणरागिणींचं आता 'मिशन फायनल'

विश्वचषकासाठी आधीच पात्र ठरलेल्या भारतीय महिला हॉकी संघाची आता ‘एफआयएच’ विश्वचषक क्वालिफायर स्पर्धा जिंकण्यावर नजर आहे.

भारताच्या रणरागिणींनी हॉकीच्या मैदानावर तिरंगा फडकवला आहे. विश्वचषकासाठी आधीच पात्र ठरलेल्या भारतीय महिला हॉकी संघाची आता ‘एफआयएच’ विश्वचषक क्वालिफायर स्पर्धा जिंकण्यावर नजर आहे. यासाठी शुक्रवारी इटलीविरुद्धचा उपांत्य सामना जिंकणं भारतीय संघासाठी पहिला टप्पा ठरेल.

भारतीय महिला हॉकी संघ ब गटामध्ये तीन सामन्यांत सात गुणांसह अव्वल राहिला. स्कॉटलंडचेही सात गुण होते. मात्र, गोल फरकात मागे पडल्याने त्यांना दुसऱ्या स्थानावर समाधान मानावं लागलं. भारताने साखळी टप्प्यात दोन सामने जिंकले, तर एक सामना अनिर्णित राखला.

No stopping them!⚡️

India showed their class with a dominant show against Wales in their final Pool stage match at the FIH Hockey World Cup 2026 Qualifiers Hyderabad, Telengana.

They will take to the turf for the semi-finals against Italy on Friday.

🕰️: 7:30 PM IST
📺: Star… pic.twitter.com/IrMBy1bmb8

— Hockey India (@TheHockeyIndia) March 12, 2026

इटलीचा संघ ‘अ’ गटात दुसऱ्या स्थानी राहिला. त्यांनी एक सामना जिंकला, एक सामना अनिर्णित राखला आणि एक सामना गमावला. भारताकडून फॉरवर्ड नवनीत कौर हिने उत्कृष्ट कामगिरी केली असून, ती आतापर्यंत चार गोल करून आघाडीवर आहे. वेल्सविरुद्धच्या शेवटच्या साखळी सामन्यात तिने हॅट्रिक नोंदविली होती.

इटलीच्या संघाची मदार फेडरिका कार्टा हिच्यावर असेल. तिने आतापर्यंत तीन गोल केले आहेत. भारताचे पारडे जड दिसत आहे. २०१२ पासून दोन्ही संघांमध्ये झालेल्या सात सामन्यांपैकी पाच भारताने जिंकले आहेत.