सकाळी झोपेतून उठल्यावर घशात आग होत, गिळता येतं नाही, कोरड पडते? दुर्लक्ष करणं धोक्याचं कारण हा त्रास..

Dryness in Mouth Causes : सकाळी किंवा झोपेत घसा कोरडा होण्यामागे अनेक कारणे असू शकतात. जसे की, झोपण्याची पद्धत, खोलीतील हवा किंवा शरीराच्या आतील संतुलन.

Dryness in Mouth Causes : आपण अनेकदा पाहिलं असेल की, सकाळी झोपेतून उठल्यावर काही लोकांना घसा फार कोरडा जाणवतो, घशात खवखव जाणवते. पण बरेच लोक या गोष्टीला सामान्य समस्या समजून दुर्लक्ष करतात. पण ही समस्या गंभीर आजाराचं लक्षण असू शकते. म्हणजे शरीरात काहीतरी गडबड असल्याचा हा संकेत असू शकतो. सकाळी किंवा झोपेत घसा कोरडा होण्यामागे अनेक कारणे असू शकतात. जसे की, झोपण्याची पद्धत, खोलीतील हवा किंवा शरीराच्या आतील संतुलन. अशात आज आपण पाहणार आहोत की, ही समस्या होण्याची कारणं कोणती असतात.

तोंड उघडून श्वास घेणं

झोपताना तोंड उघडून श्वास घेतल्यानं हवा थेट तोंडात आणि घशात जाते, ज्यामुळे लाळ सुकते. ही समस्या सामान्यपणे नाक बंद झाल्यावर होते, जसे की, सर्दी-खोकला, अ‍ॅलर्जी किंवा सायनसची समस्या. या समस्यांमुळे जास्त काळ घशात जळजळ राहते आणि तोंडातून दुर्गंधही येतो. जर आपल्याला ही समस्या नेहमीच होत असेल तर वेळीच डॉक्टरांना दाखवायला हवं. अशात आपण घसा झोपेत कोरडा पडण्याची कारणं पाहुयात.

कमी पाणी पिणे

बरेच लोक हिवाळ्यात कमी पाणी पितात किंवा असं म्हणुया की थंड वातावरणामुळे या दिवसात तहान कमी लागते. असं झाल्यास शरीरात पाण्याचं प्रमाण कमी होतं. त्यामुळे जेव्हा आपण झोपेतून उठता तेव्हा घसा कोरडा जाणवतो. अशात थंडीच्या दिवसातही भरपूर पाणी प्यावं.

अ‍ॅलर्जी और पोस्ट-नेजल ड्रिप

सिजनल अ‍ॅलर्जी जसे की, धूळ-माती किंवा पाळिव प्राण्यांच्या अ‍ॅलर्जीमुळे घशात कफ जमा होऊ कोरडेपणा जाणवतो. 

सकाळी घशाला कसा आराम द्याल?

सकाळी घशात कोरडेपणा जाणवू नये यासाठी खोलीतील हवा खेळती ठेवा. दिवसभर भरपूर पाणी प्या, नाकाने श्वास घ्या. त्याशिवाय रात्रीचं जेवण हलकं करण्याचा प्रयत्न करा. जर या गोष्टी करूनही आराम मिळत नसेल तर वेळीच डॉक्टरांना भेटा. कारण नेहमीच जर घसा कोरडा पडण्याची समस्या होत असेल तर थायरॉइड किंवा झोपेसंबंधी गंभीर समस्या असण्याचा धोका असतो.