थंडीत इतरांच्या तुलनेत आपले तळपाय-हात अधिक गारठतात? करा 'हे' सोपे उपाय लगेच मिळेल आराम

How to keep cold feet warm in winter: जर या दिवसांमध्ये आपले पाय इतरांच्या तुलनेत जास्त थंड राहत असतील, तर काही सोप्या घरगुती उपायांच्या मदतीने तुम्ही पाय गरम ठेवू शकता.

How to keep cold feet warm in winter: हिवाळ्यात थंडीपासून बचाव करण्यासाठी बरेच लोक अंगावर एकावर एक अनेक कपडे घालून स्वतःला झाकून घेतात. तरीसुद्धा बऱ्याच जणांचे तळपाय कायम थंडच राहतात. मोजे घातल्यानंतरही पाय बर्फासारखे थंड वाटतात. यामागचं मुख्य कारण म्हणजे तळहात आणि तळपायांमध्ये पुरेशा प्रमाणात ऑक्सिजन आणि रक्तपुरवठा न होणं. जर या दिवसांमध्ये आपले पाय इतरांच्या तुलनेत जास्त थंड राहत असतील, तर काही सोप्या घरगुती उपायांच्या मदतीने तुम्ही पाय गरम ठेवू शकता.

थंड पायांची समस्या दूर करण्यासाठी घरगुती उपाय

हीटिंग पॅडचा वापर करा

जर या दिवसांमध्ये तळपाय दिवस-रात्र सतत थंड राहत असतील, तर त्यांना गरम करण्यासाठी हीटिंग पॅड वापरा. रात्री झोपण्यापूर्वी पायांना हीटिंग पॅडने शेक द्या. बाहेर जायच्या आधी मोजे-बूट घालण्यापूर्वीही तळपाय थोडे गरम करून घ्या. हीटिंग पॅड सहजपणे ऑनलाइन किंवा बाजारात उपलब्ध असतात.

गरम पाण्याने पाय धुवा

थंड पायांपासून सुटका मिळवण्यासाठी पाय गरम पाण्यात बुडवून ठेवा किंवा गरम कापडाने शेक द्या. यामुळे पायांमधील ब्लड सर्कुलेशन सुधारतं आणि स्नायूंमधील ताण कमी होतो. पाय धुताना पाण्यात थोडं मीठ घालायला विसरू नका.

गरम तेलाने मालिश करा

पायांमध्ये उब येण्यासाठी गरम तेलाने मालिश करा. मोहरीच्या तेलात थोडा ओवा घालून ते गरम करा आणि त्या तेलाने पायांची मालिश करा. यामुळे रक्तप्रवाह वाढतो आणि ऑक्सिजनचा पुरवठा सुधारतो.

आयर्न आणि व्हिटामिन बी-युक्त आहार घ्या

शरीरात आयर्नची कमतरता असल्यास पाय थंड आणि बधीर होऊ शकतात. त्यामुळे आहारात आयर्नयुक्त पदार्थांचा समावेश करा. तसेच व्हिटामिन बी12 मुळे लाल रक्तपेशींची निर्मिती योग्य प्रकारे होते, ज्यामुळे थंड पायांची समस्या कमी होण्यास मदत होते. या सोप्या उपायांनी हिवाळ्यात पाय गरम ठेवता येतात आणि थंडीमुळे होणारा त्रासही कमी करता येतो.