उन्हाळा सुरू झाला की अनेक जण फ्रिजमधील अगदी थंडगार पाणी पिण्याकडे वळतात. बाहेरून घामाघूम होऊन आल्यानंतर गार पाणी प्यायलं की लगेच बरं वाटतं, शरीराला थंडावा मिळतो. पण सतत अतिथंड पाणी पिणं शरीरासाठी नेहमीच चांगलं असतं असं नाही. (Don't drink cold water daily, see how it effects your body )विशेषतः लहान मुलांना वारंवार गार पाणी देणं काही वेळा त्रासदायक ठरू शकतं. त्यामुळे अनेक तज्ज्ञ उन्हाळ्यात माठातील पाणी पिण्याचा सल्ला देतात.
अतिशय थंड पाणी प्यायल्याने काही लोकांना घसा दुखणे, खवखव किंवा सर्दीसारखा त्रास वाढू शकतो. विशेषतः बाहेरच्या कडक उन्हातून लगेच येऊन बर्फासारखं गार पाणी प्यायल्यास शरीराला अचानक तापमान बदलाचा धक्का बसू शकतो. काहींना त्यामुळे डोकेदुखी किंवा घशात अस्वस्थता जाणवते. थंड पाणी काही वेळा पचनक्रियेलाही मंद करू शकतं. जेवल्यानंतर लगेच खूप गार पाणी प्यायल्यास अनेकांना पोट फुगल्यासारखं किंवा जड वाटू शकतं.
लहान मुलांच्या बाबतीत जास्त काळजी घेणं गरजेचं असतं. मुलांची प्रतिकारशक्ती अजून विकसित होत असते. त्यामुळे सतत फ्रिजमधील पाणी प्यायल्याने काही मुलांना वारंवार सर्दी, खोकला किंवा घशाचा त्रास होऊ शकतो. खेळून आल्यानंतर लगेच बर्फाचं पाणी दिल्यास घशावर ताण येऊ शकतो. त्यामुळे मुलांना खूप गार पाण्याऐवजी साधं किंवा माठातील थंडसर पाणी देणं अधिक योग्य मानलं जातं.
माठातील पाणी हे नैसर्गिक पद्धतीने थंड होतं. त्यामुळे त्याचा थंडावा शरीराला सौम्य वाटतो. मातीच्या माठामुळे पाण्याला एक वेगळी नैसर्गिक चवही येते. माठातील पाणी अतिथंड नसल्याने घशाला त्रास होण्याची शक्यता कमी असते. तसेच उन्हाळ्यात शरीराला शांत आणि ताजेतवाने ठेवण्यासाठी माठातील पाणी अनेक घरांमध्ये आजही पसंत केलं जातं.
पूर्वीच्या काळी जवळपास प्रत्येक घरात माठ असायचा. आता फ्रिजचा वापर वाढला असला तरी माठातील पाणी हे आरोग्यासाठी अधिक संतुलित पर्याय मानला जातो. विशेषतः लहान मुलं, वृद्ध व्यक्ती किंवा वारंवार घशाचा त्रास होणाऱ्यांनी अतिथंड पाणी टाळून माठातील पाणी पिण्यावर भर दिल्यास शरीराला अधिक आराम मिळू शकतो.
उन्हाळ्यात शरीराला पाणी पुरेशा प्रमाणात मिळणं महत्त्वाचं आहेच, पण ते कोणत्या स्वरूपात घेतो हेही तितकंच महत्त्वाचं आहे. त्यामुळे तहान भागवताना सतत बर्फासारखं गार पाणी पिण्यापेक्षा माठातील नैसर्गिक थंड पाण्याची सवय लावणं शरीरासाठी अधिक फायदेशीर ठरू शकतं.
Web Summary : Drinking extremely cold water can cause health issues like sore throat and digestive problems, especially for children. Earthen pot water offers natural coolness, preventing throat irritation and promoting overall well-being during summer. Choose matka water over fridge water.
Web Summary : अत्यधिक ठंडा पानी पीने से गले में खराश और पाचन संबंधी समस्याएं हो सकती हैं, खासकर बच्चों के लिए। मिट्टी के बर्तन का पानी प्राकृतिक ठंडक प्रदान करता है, गले की जलन को रोकता है और गर्मियों में समग्र कल्याण को बढ़ावा देता है। फ्रिज के पानी की जगह मटके का पानी चुनें।