दिवसेंदिवस सतत बदलत जाणारी लाईफस्टाईल आणि खाण्यापिण्याच्या चुकीच्या सवयींमुळे आजकाल अनेकांना पोटात गॅस होणे, पोट फुगणे आणि अ‍ॅसिडीटीचा त्रास होतो. हा त्रास खूपच वेदनादायक असतो आणि अनेकदा त्यामुळे आपल्या डेली रुटीनमधील साधीसुधी कामे करणे देखील अवघड होते. सततच्या गॅस, अ‍ॅसिडीटीमुळे होणारी अस्वस्थता टाळण्यासाठी अनेकजण बरेच उपाय करतात, पण आपल्या आहारात काही साधेसुधे बदल करूनही या समस्येवर नैसर्गिकरित्या आराम मिळवता येतो. अनेकांसाठी पोटात वारंवार गॅस होणे, पोट फुगणे किंवा अ‍ॅसिडीटीचा त्रास हा सततचा डोकेदुखीचा( best fruits for gas and bloating) विषय असतो. अशावेळी आपल्या रोजच्या आहारात काही विशिष्ट फळांचा समावेश केला तर गॅस, अ‍ॅसिडीटीचा आणि पोट फुगण्याचा त्रास नैसर्गिकरीत्या कमी होऊ शकतो. कारण काही फळांमध्ये असे एन्झाइम्स, फायबर आणि नैसर्गिक गुणधर्म असतात जे पचन सुधारतात आणि पोटातील जळजळ कमी करतात(digestion friendly fruits).
काही विशिष्ट फळे खाल्ल्याने पचनास मदत होते, पोटात गॅसची निर्मिती कमी होते आणि अ‍ॅसिडीटीचा त्रास नियंत्रणात येतो. ही फळे फक्त चवीला चांगली नसतात, तर त्यांच्यातील तंतुमय पदार्थ आणि पाण्याचे प्रमाण पचनसंस्थेसाठी उत्तम औषधाचे काम करते. हार्वर्ड प्रशिक्षित गॅस्ट्रोएंटेरोलॉजिस्ट डॉ. सौरभ सेठी यांनी काही फळे सांगितली आहेत, जी दररोज खाल्याने पोटातील गॅस आणि जडपणापासून आराम मिळू शकतो. गॅस, अ‍ॅसिडीटीचा त्रास कमी करणारी नेमकी कोणती फळे आहेत आणि ती योग्य पद्धतीने (Bloating Relief Fruits) कशी खावीत, ज्यामुळे पोटफुगी, गॅस, अ‍ॅसिडीटीपासून लगेच आराम मिळेल ते पाहूयात.
गॅस होणे, पोट फुगणे किंवा अ‍ॅसिडीटीचा त्रास कमी करण्यासाठी कोणती फळं खावीत...
१. कीवी (Kiwi) :- पोटाच्या अनेक समस्यांसाठी कीवी खूपच फायदेशीर असते. कीवीमध्ये ऍक्टिनिडिन (Actinidin) नावाचे एक एन्झाइम असते, जे अन्नपदार्थातील प्रोटीन चांगल्या प्रकारे पचण्यास मदत करू शकते. कीवी दररोजच्या आहारात समाविष्ट केल्याने बद्धकोष्ठता आणि गॅस सारख्या समस्यांपासून आराम मिळू शकतो. याव्यतिरिक्त, कीवीमध्ये फायबर भरपूर प्रमाणात असते, जे पचनसंस्था मजबूत करण्यास मदत करते.
भाग्यश्री आणि कतरीना कैफला आवडते हिवाळ्यातील खास फळ! दररोज न चुकता खातात - फळं एक फायदे अनेक...
२. पपई (Papaya) :- पचनासाठी पपई खूप फायदेशीर ठरते. पपईमध्ये पपेन नावाचे एक शक्तिशाली पाचक एन्झाइम असते, जे प्रोटीनला विघटित करण्यास आणि पचन सोपे करण्यास मदत करते. बद्धकोष्ठता आणि पोट फुगणे यांसारख्या समस्या कमी कारण्यासाठी देखील पपई खाणे फायदेशीर ठरते. पपईमध्ये तंतुमय पदार्थ देखील असतात, जे मलत्याग सहज होण्यास आणि पोटाच्या समस्या कमी करण्यास मदत करते.
३. केळी (Banana) :- केळी पोटॅशियमचा चांगला स्रोत आहे, जे शरीरातील सोडियमची पातळी संतुलित करण्यास मदत करते. हे शरीरात पाणी साचणे कमी करते, जे अनेकदा पोट फुगण्याचे कारण बनते.
Web Summary : Gas, bloating, and acidity are common due to lifestyle and diet. Kiwi, papaya, and banana aid digestion with enzymes and fiber, reducing discomfort. These fruits help in easing gas and acidity problems.
Web Summary : गैस, सूजन और एसिडिटी जीवनशैली और आहार के कारण आम हैं। कीवी, पपीता और केला एंजाइम और फाइबर के साथ पाचन में सहायता करते हैं, जिससे असुविधा कम होती है। ये फल गैस और एसिडिटी की समस्याओं को कम करने में मदद करते हैं।