रात्रीच्या जेवणाची वेळ एकदा बदलून बघा, शरीराला मिळतील इतके फायदे की विचारही केला नसेल

Best Dinner Time : जर रात्रीच्या जेवणाच्या वेळेत बदल केला तर अनेक फायदे मिळू शकतात. जे अनेकांना माहीत नसतात. ते फायदे काय असतात, हे आज आपण पाहणार आहोत.

Best Dinner Time : आजच्या धकाधकीच्या जीवनात डिनरची म्हणजेच रात्रीच्या जेवणाची वेळ ठरलेली नसते. जास्तीत जास्त लोक रात्री उशिरा जेवण करतात. म्हणजे ९ वाजतानंतर किंवा त्यापेक्षाही उशिरा. पण जर रात्रीच्या जेवणाच्या वेळेत बदल केला तर अनेक फायदे मिळू शकतात. जे अनेकांना माहीत नसतात. ते फायदे काय असतात, हे आज आपण पाहणार आहोत.

पचनतंत्र सुधारतं

रात्री लवकर जेवल्याने झोपण्यापूर्वी अन्न पचण्यासाठी पुरेसा वेळ मिळतो. उशिरा जेवल्यास अॅसिडिटी, अपचन, छातीत जळजळ अशा समस्या होऊ शकतात. ६–८ वाजेच्या दरम्यान जेवण केल्यास पचन एंजाइम्स सक्रिय असतात आणि अन्न सहज पचते.

झोपेची गुणवत्ता वाढते

जर आपण झोपण्याच्या २–३ तास आधी जेवण केलं, तर शरीराला रात्री रिपेअर आणि आरामाच्या प्रक्रियेसाठी लक्ष केंद्रित करता येतं. उशिरा जेवल्यास शरीर अन्न पचवण्यात अडचण येते आणि त्यामुळे झोप खराब होऊ शकते किंवा इनसोम्नियाची शक्यता वाढते.

वजन नियंत्रित करण्यास मदत

सायंकाळी लवकर जेवण केल्यानं रात्री लांब काळ "फास्टिंग" स्थिती मिळते. यामुळे इन्सुलिन संवेदनशीलता सुधारते आणि मेटाबॉलिझम चांगला कार्य करतो. त्यामुळे वजन नियंत्रित ठेवण्यात मदत होते.

हार्मोनल संतुलन राखण्यास मदत

६–८ वाजेच्या दरम्यान डिनर केल्याने मेलाटोनिन आणि कोर्टिसोल यांसारख्या हार्मोन्सचे संतुलन राखले जाते. यामुळे सर्केडियन रिदम व्यवस्थित राहतं आणि ऊर्जा लेव्हस तसेच मूडवर सकारात्मक परिणाम दिसतो.

ब्लड शुगर नियंत्रित राहते

लवकर डिनर केल्याने रात्रीभर ब्लड शुगर लेव्हल स्थिर राहण्यास मदत होते. डायबिटीस असलेल्या किंवा प्री-डायबेटिक लोकांसाठी हे विशेष फायदेशीर ठरते. उशिरा जेवल्यास सकाळी शुगर लेव्हल जास्त येऊ शकतो.

हृदयाचं आरोग्य सुधारतं

नियमितपणे लवकर डिनर केल्याने कोलेस्टेरॉल आणि ब्लड प्रेशरवर चांगला परिणाम दिसतो. त्यामुळे हृदयविकारांचा धोकाही कमी होतो.

काय काळजी घ्यावी?

डिनर हलकं, पौष्टिक आणि कमी तेलकट असावं.

तळलेले, मसालेदार किंवा खूप जड पदार्थ टाळावेत.

जेवल्यानंतर १०–१५ मिनिटे वॉक करावा.