आकाराने लहान असली तरी पोषणमूल्यांनी भरलेली खारीक आरोग्यासाठी अतिशय फायदेशीर मानली जाते. रोजच्या आहारात योग्य प्रमाणात खारीक घेतल्यास शरीराला ताकद मिळते आणि अनेक शारीरिक तक्रारी कमी होतात. विशेषतः महिलांसाठी खारीक हा एक उत्तम नैसर्गिक पौष्टिक पदार्थ आहे. खारीकमध्ये लोह, कॅल्शियम, मॅग्नेशियम, पोटॅशियम, फायबर आणि नैसर्गिक साखर मुबलक प्रमाणात असते. (Women should eat dry dates daily, it reduces many problems, see how helpful this dry fruit is )त्यामुळे ती शरीराला त्वरित ऊर्जा देते आणि थकवा दूर करते. सकाळी उपाशीपोटी किंवा दुपारच्या वेळी खारीक खाल्ल्यास कमकुवतपणा जाणवत नाही आणि कामात चपळता येते. खारीक खाण्याचा एक महत्त्वाचा फायदा म्हणजे पचनक्रिया सुधारते. तिच्यातील फायबर बद्धकोष्ठता दूर करण्यास मदत करते आणि पोट साफ ठेवते. ज्यांना वारंवार अपचन, गॅस किंवा पोट जड वाटते त्यांच्यासाठी खारीक उपयुक्त ठरते.
खारीक रक्तवाढीसाठीही मदत करते. त्यातील लोहामुळे हिमोग्लोबिन वाढण्यास हातभार लागतो. त्यामुळे अशक्तपणा, चक्कर येणे, थकवा जाणवणे अशी लक्षणे कमी होतात. यामुळेच महिलांसाठी खारीक विशेष फायदेशीर मानली जाते. कारण अनेक महिलांना रक्ताची कमतरता असते. महिलांच्या दृष्टीने खारीकेचा आणखी एक खास फायदा म्हणजे हाडे मजबूत ठेवण्यात होणारी मदत. खारीकमध्ये कॅल्शियम आणि मॅग्नेशियम असल्यामुळे हाडांची ताकद वाढते. पाळीनंतरच्या काळात, तसेच वाढत्या वयात हाडे ठिसूळ होऊ नयेत यासाठी खारीक उपयुक्त ठरते.पाळीच्या काळात येणारा थकवा, कंबरदुखी आणि चिडचिड कमी करण्यासाठीही खारीक मदत करते. तिच्यातील नैसर्गिक साखर आणि खनिजे शरीराला ऊर्जा देतात आणि मूड सुधारण्यास मदत करतात.
खारीक त्वचा आणि केसांसाठीही फायदेशीर आहे. त्यातील अँटी ऑक्सिडंट्स त्वचा निरोगी ठेवण्यास मदत करतात, तर लोह आणि इतर पोषक घटक केस गळती कमी करण्यास उपयोगी ठरतात. नियमित सेवनामुळे त्वचेवर तेज येते आणि केस मजबूत होतात. थोडक्यात सांगायचे तर, खारीक हा छोटा पण ताकद वाढवणारा पदार्थ आहे. महिलांसाठी रक्तवाढ, हाडांची मजबुती, ऊर्जा, पचन सुधारणा आणि हार्मोनल संतुलनासाठी खारीक खूप उपयुक्त ठरते. मात्र कोणताही पदार्थ जसा अति प्रमाणात खाल्ल्यास त्रासदायक ठरु शकतो, तसेच खारीकही. त्यामुळे योग्य प्रमाणात खा आणि फायदे मिळवा.
Web Summary : Dates are a nutritional powerhouse for women, boosting energy, aiding digestion, strengthening bones with calcium and magnesium, and combating anemia with iron. They also alleviate period fatigue and improve skin and hair health.
Web Summary : खजूर महिलाओं के लिए एक पौष्टिक पावरहाउस है, जो ऊर्जा बढ़ाता है, पाचन में सहायता करता है, कैल्शियम और मैग्नीशियम से हड्डियों को मजबूत करता है और आयरन से एनीमिया से लड़ता है। यह पीरियड की थकान को भी दूर करता है और त्वचा और बालों के स्वास्थ्य में सुधार करता है।