आजारी पडले की किवी का खातात ? शरीरातील पेशींची संख्या वाढवण्यासाठी सगळ्यात उत्तम उपाय

Why do people eat kiwi when they are sick? The best way to increase the number of cells in the body : किवी खाण्याचे जबरदस्त फायदे पाहा.

किवी हे फळ किंमतीने महाग असले तरी त्याला नेहमीच मागणी असते, कारण त्याची पोषणमूल्ये, ताजेपणा, विदेशी चव आणि आरोग्यासाठी मिळणारे फायदे खूप मोठे आहेत. किवीचे स्वरुप आकर्षक, चव ताजी व हलकी आंबट-गोड असल्याने ते खाण्यात आनंद ही मिळतो. (Why do people eat kiwi when they are sick? The best way to increase the number of cells in the body)जगभरातील पोषणतज्ज्ञ, डॉक्टर आणि अनेक सेलिब्रिटी किवी आपल्या आहारात घेण्याचा सल्ला देतात. फिटनेसवर लक्ष देणारे कलाकार, मॉडेल्स आणि खेळाडू किवीला 'डेली न्यूट्रीन्ट बूस्ट' मानतात, म्हणूनच त्याची मागणी कायम असते.

किवीत असलेल्या पोषक तत्त्वांमुळे शरीराला अनेक फायदे मिळतात. या फळात जीवनसत्त्व सी प्रचंड प्रमाणात असते. एकच किवी दिवसाच्या आवश्यकतेपेक्षा जास्त व्हिटॅमिन सी देऊ शकते. हे जीवनसत्त्व रोगप्रतिकारशक्ती वाढवते, संसर्गांपासून संरक्षण करते आणि त्वचा तजेलदार ठेवते. किवीमध्ये जीवनसत्त्व इ, फोलेट, पोटॅशियम, फायबर, अँटी ऑक्सिडंट्स आणि वनस्पती-फायटोकेमिकल्सही मुबलक प्रमाणात असतात. या सर्व पोषणतत्वांचा एकत्रित परिणाम म्हणजे पेशींचे संरक्षण, दुरुस्ती आणि पुनर्निर्मिती अधिक चांगल्या प्रकारे होते. प्रदूषण, ताण किंवा सूर्यकिरणांमुळे होणाऱ्या पेशींवरील हानीपासून अँटी ऑक्सिडंट्स त्यांचे रक्षण करतात. त्यामुळे कोणताही गंभीर आजार असलेल्या लोकांना रोज किवी खायचा सल्ला तज्ज्ञ देतात. शरीरातील पेशी वाढण्यासाठी तो फायद्याचा असतो. 

किवी वजन कमी करण्यासाठीही उपयुक्त मानले जाते. त्यातील नैसर्गिक फायबर पोटाला जास्त वेळ पूर्ण ठेवते, त्यामुळे अनावश्यक खाणे कमी होते. कॅलरीज कमी, पण पोषण जास्त असल्याने वजन कमी करू इच्छिणाऱ्यांसाठी किवी परफेक्ट पर्याय ठरतो. त्यातील एन्झाइम्स पचन सुधारतात, सूज कमी करतात आणि फॅट मेटाबॉलिझमला मदत करतात.

किवीत असलेले पोटॅशियम हृदयाच्या आरोग्यासाठी उपयुक्त आहे, कारण ते रक्तदाब नियंत्रित ठेवते. जीवनसत्त्व इ त्वचेच्या पेशींना पोषण देऊन बारीक रेषा, कोरडी त्वचा किंवा निस्तेजपणा कमी करण्यास मदत करते. फोलेट गर्भवती महिलांसाठी उपयुक्त असून शरीरातील नवीन पेशींच्या निर्मितीसाठी महत्त्वाचे ठरते.

म्हणूनच अनेक सेलिब्रिटी, फिटनेस कोच आणि पोषणतज्ज्ञ किवीचा आहारात समावेश करण्याचा सल्ला देतात. सकाळच्या नाश्त्यात, सॅलडमध्ये किंवा स्मूदीमध्ये किवी घेतल्याने शरीराला त्वरित ऊर्जा मिळते आणि पेशींची गुणवत्ता सुधारते. किवी हे फळ चवीने, पोषणाने आणि आरोग्यदायी गुणांनी इतके संपन्न आहे की किंमत जरी जास्त असली तरी त्याची मागणी संपत नाही. हे फळ सुपरफूड म्हणून ओळखले जाते आणि ते खरोखरच प्रत्येकाच्या आहारात स्थान मिळवण्यास पात्र आहे.