असे अनेक पारंपरिक पदार्थ आहेत जे आजकाल कमी केले जातात. मात्र ते फक्त चविष्टच नाही तर आरोग्यासाठी फार चांगले आणि करायलाही अगदी सोपे असतात. त्यापैकीच एक म्हणजे कढण. डाळी, कडधान्ये यांच्या पाण्याचे केलेले कढण भातावर घ्यायला आणि नुसते प्यायला केले जाते. (Traditional drink for cold weather - drink this weight loss drink, best food)मराठी स्वयंपाकात कढण हा एक अतिशय पारंपरिक, हलका आणि औषधी गुणधर्म असलेला पदार्थ मानला जातो. विशेषतः मुगाचे कढण हे आजारी व्यक्तींसाठी, उपवासानंतर किंवा पचन बिघडलेले असताना देण्यासाठी केले जाते.
कढण म्हणजे काय, हे आधी समजून घेणे महत्त्वाचे आहे. कढण हा पातळ, उकळवलेला पदार्थ असतो. डाळ, कडधान्य किंवा कधी कधी भाज्या उकळवल्यावर त्याचे जे पाणी निघते ते पाणी उकळून त्यात थोडे मीठ, जिरे, आलं किंवा मिरची घालून हा प्रकार तयार केला जातो. मसाला फोडणी काहीही करायची गरज नाही. त्यामुळे कढण सहज पचते. पूर्वी आजारपणात, तापानंतर किंवा उपासानंतर शरीराला शक्ती देण्यासाठी कढण दिले जायचे.
मूगाचे कढण हे कढणाच्या प्रकारांमध्ये सर्वात पौष्टिक मानले जाते. मूग डाळ किंवा अख्खा मूग भिजवून उकडला जातो आणि त्यातील पाणी गाळून हे कढण तयार केले जाते. या पाण्यात मुगातील अनेक पोषणतत्त्वे उतरलेली असतात. मूगामध्ये प्रथिने भरपूर प्रमाणात असतात, जी शरीराच्या पेशी दुरुस्त करण्यास आणि ताकद वाढवण्यास मदत करतात. मुगाचे कढण पातळ असल्यामुळे ही प्रथिने सौम्य स्वरुपात शरीराला मिळतात.
मूगाच्या कढणामध्ये फायबरही असते, जे पचनक्रिया सुधारण्यास मदत करते. बद्धकोष्ठता, जुलाब किंवा पोट बिघडले असताना मुगाचे कढण पोटाला त्रास न देता पोषण पुरवते. याशिवाय मुगामध्ये लोह, मॅग्नेशियम, पोटॅशियम यांसारखी खनिजे असतात. ही खनिजे शरीरातील ताकद वाढवतात, स्नायूंना बळ देतात आणि रक्ताभिसरण सुधारण्यास मदत करतात. एकूणच मुगाचे कढण हा साधा पण अत्यंत पौष्टिक आणि औषधी गुणधर्म असलेला पदार्थ आहे. तेल-मसाले न वापरता तयार होत असल्यामुळे तो पचनासाठी हलका, आरोग्यासाठी लाभदायक आणि सर्व वयोगटांसाठी योग्य ठरतो. रोजच्या आहारात अधूनमधून मुगाचे कढण घेतल्यास पोटाचे आरोग्य चांगले राहते आणि शरीराला नैसर्गिक पद्धतीने पोषण मिळते.