Kitchen Hacks: पावसाळ्यात घरात खासकरून किचनमधील बारीक कीटक, चिलटं खूप वाढतात. खाण्या-पिण्याच्या गोष्टींमध्ये डब्यांमध्ये ते शिरतात. पालेभाज्यांमध्ये लपून बसतात. मसाल्यांच्या डब्यांमध्ये तर कीटक अनेकदा दिसतात. पण हे मसाले डब्यांमध्ये योग्य पद्धतीनं स्टोर करणं खूप महत्वाचं असतं. तेव्हाच कीटक त्यात जात नाहीत. तसेच मसाले जास्त काळ टिकतात. अशात किचनमध्येच अशा काही गोष्टी असतात ज्या मसाल्याच्या डब्यात ठेवल्या तर मसाले जास्त काळ टिकतील आणि त्यात कीटकही होणार नाहीत. पाहुयात कोणती आहे ही पावडर आणि कसा कराल वापर...
जिरे पावडर कसं स्टोर कराल?
जिरे पूड योग्य पद्धतीनं स्टोर करण्यासाठी एका टिशू पेपरमध्ये काही लवंग गुंडाळून डब्यात ठेवा. असं केल्यानं जिऱ्याची पूड लवकर बेकार होणार नाही आणि बरेच दिवस टिकेल.
मिरची पावडर कशी स्टोर कराल?
लाल मिरची पावडरची शेल्फ लाइफ वाढवण्यासाठी यात एक चमचा मीठ टाकून ठेवा. मिरची पावडरच्या डब्यात मीठ घालून ठेवल्यास पावडर जास्त दिवस फ्रेश राहते. सामान्यपणे भाजी करताना त्यात मीठ आणि टाकलं जातंच. सोबतच मिरची पावडरही टाकली जाते. त्यामुळे यानं काही समस्या होणार नाही.
हळदीचा कीटकांपासून बचाव
हळदीच्या डब्यात अनेकदा कीटक शिरततात. अशात हळदीमध्ये कीटक जाऊ नये म्हणून डब्यात एक तेजपत्ता म्हणजेच तमालपत्र ठेवा. या पानानं कीटक हळदीच्या डब्यापासून दूर राहतात. तसेच यानं हळद फ्रेशही राहते.
धणे स्टोर करण्याची पद्धत
धणे फ्रेश ठेण्यासाठी आणि त्यांचं लाइफ वाढण्यासाठी धणे ड्राय रोस्ट करून ठेवू शकता. असं केल्यास धणे जास्त काळ टिकतात आणि चांगले राहतात.
कडूलिंबाची पानं फायदेशीर
वाळलेली कडूलिंबाची पानं मसाले चांगले ठेवण्यासाठी फायदेशीर ठरतात. या पानांमध्ये अ‍ॅंटी-बॅक्टेरिअर गुण असतात, जे बारीक कीटक दूर ठेवतात आणि मसाले जास्त काळ चांगलेही राहतात.
एअरटाइट डबा
मसाले जास्त काळ चांगले ठेवायचे असतील, फ्रेश ठेवायचे असतील तर डबे नेहमीच एअरटाइट असावेत. डबे जर एअरटाइट असतील तर मसाले लवकर खराब होणार नाही आणि त्यांची शेल्फ लाइफही वाढेल.