आपण कोणत्याही हॉटेल किंवा रेस्टोरंटमध्ये गेलो की हमखास कुलचा ऑर्डर करतोच. मस्त चमचमीत, ग्रेव्ही असणाऱ्या मसालेदार भाज्यांसोबत कुलचा (Hotel Style Tawa Kulcha Recipe) खाण्याची मज्जा काही औरच असते. पांढराशुभ्र कुरकुरीत आणि मऊसूत असा कुलचा खायला सगळ्यांनाच आवडत. चमचमीत, मसालेदार भाज्यांसोबत कुलचा म्हणजे एकदम परफेक्ट पार्टनर आहे(How To Make Kulcha At Home).
असाच हॉटेल स्टाईल कुलचा ( Kulcha Recipe) आपण अनेकदा घरी तयार करून पाहतो, परंतु हा कुलचा हॉटेल सारखा घरी तयार होत नाही. आपल्यापैकी बऱ्याच गृहिणींनी अनेकदा घरी कुलचा करण्याचा बेत देखील करुन पाहिलाच असेल, परंतु काहीवेळा हा बेत फसतो. हॉटेल्स्टाईल कुलचा घरी करणे म्हणजे अनेकींना कठीण वाटते. यासाठीच, हॉटेल स्टाईल कुलचा (How to make kulcha without tandoor) घरच्याघरीच तयार करण्यासाठी ही साधीसोपी रेसिपी पाहूयात.
साहित्य :-
१. मैदा - २ कप २. दही - १ कप ३. मीठ - चवीनुसार४. पाणी - १०० मि.ली५. साखर - १ टेबलस्पून ६. ड्राय यीस्ट - १ टेबलस्पून ७. बटर - ४ ते ५ टेबलस्पून ८. कोथिंबीर - १/२ कप (बारीक चिरलेली)
आमरस काळा न पडण्यासाठी ८ टिप्स, महागामोलाच्या आंब्याचा रस राहील पिवळाधमक-चवही मस्त...
कोकणात करतात तशी पारंपरिक मसालेदार ग्रेव्हीवाली कच्च्या फणसाची भाजी, अस्सल गावरान चव...
कृती :-
१. सगळ्यांत आधी एका बाऊलमध्ये पाणी घेऊन त्यात साखर, आणि यीस्ट घालून सगळे जिन्नस हलवून घ्यावे. त्यानंतर हे मिश्रण १० ते १५ मिनिटे झाकून ठेवून द्यावे. २. एका मोठ्या परातीत मैदा, दही व चवीनुसार मीठ घालावे. आता यात फुलून आलेले यीस्टचे मिश्रण घालावे. आता सगळे जिन्नस एकत्रित करून हलकेच पाण्याचा हात लावून कुलच्यासाठी मऊसूत पीठ मळून घ्यावे. ३. मळून घेतलेलं पीठ ३० मिनिटे झाकून ठेवावे. ३० मिनिटानंतर पाहिल्यास पीठ फुलून दुप्पट झालेले असेल. या फुलून आलेल्या पिठाचे छोटे गोळे करून घ्यावेत.
४. आता एक - एक गोळा घेऊन त्याला किंचितसा सुका मैदा लावून कुलचा लंबगोलाकार आकारात लाटून घ्यावा. ५. गरम पॅनवर तयार कुलचा घालून तो दोन्ही बाजूनी व्यवस्थित भाजून घ्यावा. ६. कुलचा भाजल्यावर सगळ्यात शेवटी त्यावर बटर आणि कोथिंबीर भुरभुरवून घालावी.
गरमागरम कुलचा खाण्यासाठी तयार आहे. कोणत्याही मसालेदार, ग्रेव्हीच्या भाजीसोबत कुलचा खायला अधिकच टेस्टी लागतो.