१ वाटी पोहे अन् मेथीचे वडे; सोपी रेसिपी-पोटभरीचा चमचमीत आणि झटपट नाश्ता

How To Make Crispy And Healthy Nashta : या नाश्त्याची खासियत अशी की हा पदार्थ  वरून कुरकुरीत आणि आतून मऊ असतो. हा नाश्ता करायला जास्त वेळही लागत नाही

नाश्त्याला काहीतरी चटपटीत खाण्याची इच्छा होत असेल तर तुम्ही नेहमी बाहेरचे पदार्थ विकत न घेता मेथी आणि चण्याच्या डाळीचा उपयोग करून कुरकरीत वडे बनवू शकता. (Poha And Chana Dal And Methi Breakfast) चणा डाळीचा सुगंध, मेथीचा कडवटपणा आणि पोह्यांचा कुरकुरीतपणा मिळून अशी एक चव तयार होते ती बाजारात मिळणाऱ्या समोश्यांपेक्षाही छान चवीची असते.  या नाश्त्याची खासियत अशी की हा पदार्थ  वरून कुरकुरीत आणि आतून मऊ असतो. हा नाश्ता करायला जास्त वेळही लागत नाही. (How To Make Poha For Breakfast)

हेल्दी नाश्ता करण्याची सोपी रेसिपी

ही रेसिपी करण्यासाठी मुख्य साहित्य अर्धा कप चना डाळ आहे. सगळ्यात आधी चण्याची डाळ साफ करून ३ ते ४ वेळा स्वच्छ पाण्यानं धुवून घ्या.  त्यानंतर डाळ पाण्यात दीड तास भिजवून ठेवा. जेव्हा डाळ व्यवस्थित फुलेल तेव्हा सर्व पाणी काढून टाका. एक छोटा चमचा डाळ वेगळी ठेवा. 

पाणी काढून बाकीची उरलेली डाळ मिक्सर जारमध्ये घाला. डाळ खूपच बारीक वाटू नका.  कारण जास्त बारीक केल्यास डाळीचं टेक्स्चर बिघडतं. अर्धवट बारीक केलेली डाळ एका मोठ्या भांड्यात काढून त्यात बाजूला ठेवलेली अख्खी चणा डाळसुद्धा घाला. 

मऊसूत ४ पदरांची घडीची पोळी करण्यासाठी ८ टिप्स, टम्म फुगेल-शिळीही राहील मऊ

भाज्या आणि मसाल्यांची फोडणी

या मिश्रणाची चव वाढवण्यासाठी यात बारीक चिरलेला कांदा, बारीक चिरलेलं आलं आणि चवीनुसार बारीक चिरलेली हिरवी मिरची घाला. या मसाल्यांमध्ये हळद, जीरं पावडर, मीठ आणि लाल मिरची पावडर घाला. याला खास चव देण्यासाठी पांढरे तीळ घाला. सैंधव मीठही घाला. शेवटी भरपूर कुटून घातलेली मेथी घाला.

अण्णाच्या गाडीवर विकतात तशा छोट्या-मऊ इडल्या करण्याच्या ८ ट्रिक्स; हलकी-जाळीदार होईल इडली

कुरकुरीतपणा येण्यासाठी यात अर्धा कप पोहे मिसळा. पोहे हलकेसे धुवून किंवा भिजवून तुम्ही वापरू शकता. डाळ व्यवस्थित मिक्स करून घ्या. पोहे घातल्यानंतर मिश्रणात मॉईश्चर टिकून राहतं. ज्यामुळे वडे तळताना तेल कमी पितात आणि वडे दीर्घकाळ कुरकुरीत राहतात.

मिक्सिंग आणि व्यवस्थित आकार

सर्व साहित्य हातानं एकजीव करून व्यवस्थित मिसळून घ्या. जेणेकरून मसाले आणि मेथीची डाळ एकत्र होईल. आपल्या हातांवर थोडं तेल लावून छोटे छोटे गोळे करून मनासारखा आकार द्या. तुम्हाला गोल वड्यांचा आकार द्यायचा असेल तर कटलेट चपटे करू शकता. काठ व्यवस्थित दाबा, जेणेकरून तळताना फाटणार नाही.

तळणं आणि सर्व्ह करणं

एका कढईत तेल गरम करा. जेव्हा तेल मध्यम गरम होईल तेव्हा तयार वडे सावधगिरीनं तेलात घाला. जेव्हा वडे मध्यम आचेवर तळून  होतील आणि कुरकुरीत होतील तोपर्यंत तळा. उच्च आचेवर वडे तळल्यानं वरून काळे आणि आतून कच्चे राहू शकतात, म्हणून सावधगिरीनं तळा. गरमागरम नाश्ता हिरवी चटणी किंवा टोमॅटो केचअपसोबत सर्व्ह करा.