गरम, मऊसूत आणि फुगलेल्या चपात्या खायला सर्वांनाच आवडतात. चपाती कडक असेल तर ती चावण्यासाठी त्रास होऊ शकतो. विशेषत: जेव्हा पीठ व्यवस्थित मळलेलं नसतं तेव्हा असं घडतं. अशा वेळी काही सोप्या स्टेप्स फॉलो करा ज्यामुळे तुमच्या चपात्या मऊ होतील आणि जेवणाचा आनंदही द्विगुणित होईल.
पीठ कसं मळायचं?
- जर तुम्हाला मऊ चपाती बनवायची असेल तर ते पीठ कोमट पाण्याने चांगलं मळून घ्या.
- पीठ मळताना मीठ घातल्यास चपाती मऊ तर होईल, शिवाय चविष्टही लागेल.
- पीठ मळल्यानंतर लगेच चपात्या लाटू नका. ते पीठ थोडा वेळ तसेच ठेवा. प्लेट किंवा कपड्याने झाकून ठेवा. यानंतर चपाती बनवा. यामुळे ती मऊ होईल आणि खातानाही मजा येईल.
- तवा आधी चांगला गरम करून घ्या आणि नंतर चपाती तव्यावर ठेवा. यामुळे चपाती चांगली शेकली जाते. त्यानंतर चपात्या नेहमी नीट झाकून ठेवा.
शिळी चपाती खाण्याचे फायदे
- शिळी चपाती खाल्ल्याने पचनसंस्था सुधारते, पोट साफ होतं आणि बद्धकोष्ठतेसारख्या समस्यांपासून सुटका होते.
- शिळ्या चपातीचा जीआय (GI- glycemic index) खूप कमी असतो.
- ज्यांना आतड्यांशी संबंधित समस्या आहेत त्यांच्यासाठी हे फायदेशीर आहे.
- तुमच्या हृदयाच्या आरोग्यासाठी देखील हे चांगलं आहे.
- शिळी चपाती कोलेस्ट्रॉल कमी करण्यास मदत करू शकते.