वजन कमी करणं बऱ्याचदा आव्हानात्मक काम होऊन जातं (Weight Loss). वजन कमी करण्यासाठी आपण बऱ्याच गोष्टी करतो. काही जण व्यायाम शाळेत जाऊन घाम गाळतात. तर काही जण योग किंवा डाएटवर भर देतात (Fitness). वजन कमी करण्यासाठी शरीराची हालचाल गरजेची आहे. काही जण वेट लॉससाठी सकाळी किंवा सायंकाळी वेळ मिळेल तसं वॉकिंगला जातात. तर काही जण जॉगिंग करतात. पण वेट लॉससाठी नेमकं किती चालावं? किती किलोमीटर चालल्याने कॅलरीज बर्न होतात? हे तुम्हाला ठाऊक आहे का?(How Walking Can Help You Lose Weight and Belly Fat).
वॉकिंगमुळे किती कॅलरीज बर्न होतात. हे प्रामुख्याने तुमच्या वजनावर अवलंबून असते. ज्यांचे वजन जास्त असते, त्यांच्या शरीरातील कॅलरी जास्त बर्न होतात. कारण शरीराला हालचाल करण्यासाठी अधिक उर्जा वापरावी लागते. त्यामुळे ७० किलो वजनाची व्यक्ती ९० किलो वजनाच्या व्यक्तीपेक्षा १ किलोमीटर चालताना कमी कॅलरी बर्न करेल.
चालण्याचा वेग
चालण्याच्या वेगावर देखील कॅलरीज किती बर्न होतील हे अवलंबून असते. ब्रिस्क वॉकिंग केल्याने शरीरातील चरबी जलदरित्या बर्न होते. शिवाय शरीराची हालचालही वेगाने होते. ज्यामुळे हृदयाचे आरोग्य सुधारते. शिवाय दिवसभर आपल्याला एनर्जेटिक वाटते.
आपण वॉकिंगला नेमकं कुठे जाता?
वॉकिंग किंवा जॉगिंगसाठी आपण प्लेन रस्ता निवडतो. डोंगराळ किंवा खडबडीत रस्त्यांवर चालण्यासाठी जास्त मेहनत घ्यावी लागते. सपाट आणि गुळगुळीत रस्त्यावर आपल्याला जास्त मेहनत घ्यावी लागत नाही. त्यामुळे डोंगराळ किंवा खडबडीत ट्रॅकवर वॉकिंग किंवा जॉगिंग करा. यामुळे अधिक कॅलरीज बर्न होतील.
वय आणि लिंग
कॅलरी बर्न करण्यात वय आणि लिंग देखील भूमिका बजावतात. तरुण लोक जास्त कॅलरी बर्न करतात आणि स्त्रियांपेक्षा पुरुषांचे स्नायू जास्त असतात, म्हणून ते जास्त कॅलरी बर्न करतात.
जलद चालण्याचे फायदे
- जलद चालल्याने हृदयाची गती वाढेल. आणि शरीर जास्त कॅलरीज बर्न करेल.
- कधी वेगवान तर कधी जॉगिंग केल्याने कॅलरीज अधिक बर्न होऊ शकतात.
- सपाट गुळगुळीत रस्त्यावर न चालता, डोंगराळ भागात चाला.
व्यायामाला वेळ नाही-तोंडावरही ताबा नाही? झोपण्यापूर्वी ५ गोष्टी करा; काही न करता वजन घटेल
१ किलोमीटर चालण्याचे फायदे
नियमित चालल्याने हृदयाचे आरोग्य सुधारते. स्नायू मजबूत होतात, मानसिक आरोग्य सुधारते, शिवाय गंभीर आजारांचा धोका कमी होतो. त्यामुळे स्वतःसाठी वेळ काढून व्यायाम करा.