हातापायांची नखं स्वच्छ, मजबूत आणि नीटनेटकी असणं हे केवळ सौंदर्य वाढवण्यासाठीच नाही तर एकूण स्वच्छतेासाठीही गरजेचं असतं. दिवसभर आपण विविध कामं करत असतो, त्यामुळे नखांमध्ये घाण साचणं, त्वचा कोरडी होणं किंवा नखं निस्तेज दिसणं हे अगदी सामान्य आहे. (Do manicure and Pedicure at home for zero money, very simple method, look beautiful)पण यासाठी दरवेळी पार्लरमध्ये जाऊन मॅनिक्युअर-पेडिक्युअर करणं आवश्यक नसतं. घरच्या घरी काही सोप्या आणि नियमित सवयी अंगीकारल्या तर हात-पाय आणि नखांची उत्तम काळजी घेता येते.
सर्वप्रथम हात आणि पाय स्वच्छ पाण्यात बुडवणं हा महत्त्वाचा टप्पा आहे. एका टबमध्ये कोमट पाणी घेऊन त्यात थोडं मीठ, काही थेंब लिंबाचा रस आणि थोडासा शॅम्पू किंवा लिक्विड साबण घालावा. या पाण्यात हात आणि पाय १५-२० मिनिटं बुडवून ठेवावेत. यामुळे त्वचा मऊ होते, नखांमध्ये साचलेली घाण सैल होते आणि पुढील प्रक्रिया करायला सोपं जातं. पायांसाठी हवं असल्यास थोडं बेकिंग सोडाही घालू शकता, त्यामुळे दुर्गंधी कमी होते.
यानंतर नखांची स्वच्छता नीट करणं गरजेचं आहे. मऊ ब्रश किंवा जुना टूथब्रश वापरून नखांच्या खाली आणि आजूबाजूची घाण हलक्या हाताने काढावी. नखं खूप जोरात घासू नयेत, कारण त्यामुळे ती कमकुवत होऊ शकतात. स्वच्छतेनंतर नखांना नीट आकार देणं आवश्यक आहे. नेल कटरने नखं कापताना ती खूप लहान कापू नयेत आणि नेल फाइलने एकाच दिशेने फाइल करावं, यामुळे नखं तुटत नाहीत आणि त्यांना सुंदर आकार मिळतो.
घरच्या घरी नैसर्गिक स्क्रब तयार करून त्वचेची एक्सफोलिएशन करणं हा पुढचा महत्त्वाचा टप्पा आहे. साखर, कॉफी पावडर आणि थोडंसं नारळ तेल किंवा ऑलिव्ह ऑईल एकत्र करून स्क्रब तयार करता येतो. या स्क्रबने हात-पाय हलक्या हाताने मसाज केल्यास मृत त्वचा निघून जाते, रक्ताभिसरण सुधारतं आणि त्वचा अधिक मऊ व उजळ दिसते. लिंबू आणि मधाचा वापरही त्वचा उजळण्यासाठी उपयुक्त ठरतो.
नखांच्या कडांवरील क्युटिकल्सची काळजी घेणं अनेकदा दुर्लक्षित होतं, पण ते तितकंच महत्त्वाचं आहे. क्युटिकल्स कापण्याऐवजी त्यांना मऊ करून हलक्याने मागे ढकलावं. यासाठी बदाम तेल, तिळाचं तेल किंवा खोबरेल तेल हलकं गरम करून त्याने मसाज करावा. यामुळे नखांना पोषण मिळतं आणि ती अधिक मजबूत होतात. हात आणि पाय दोन्हीच्या नखांसाठी ही प्रिक्रिया करणे सोपे आहे.
Web Summary : Keep nails clean and strong at home with simple steps: Soak in warm water, gently clean nails, exfoliate with a homemade scrub, and moisturize cuticles with oil for healthy, beautiful nails.
Web Summary : घर पर आसान चरणों से नाखूनों को साफ और मजबूत रखें: गर्म पानी में भिगोएँ, धीरे से नाखूनों को साफ करें, घरेलू स्क्रब से एक्सफोलिएट करें, और स्वस्थ और सुंदर नाखूनों के लिए तेल से क्यूटिकल्स को मॉइस्चराइज़ करें।