पालिका मंडयांची झाडाझडती

मुंबई : महापालिकेच्या अखत्यारीतील विविध मंडयांची दुरुस्तीकामे, पुनर्विकास यासारख्या बाबी राबविताना काळानुरूप सर्वसमावेशक सुधारणा करण्यासाठी संयुक्त बैठकींचे आयोजन करण्याचे निर्देश महापालिकेच्या बाजार व उद्यान समितीचे अध्यक्ष मंगेश पवार यांनी पालिका प्रशासनाला दिले. पश्चिम उपनगरातील पालिका मंडयांच्या पाहणी दौ:यात पवार बोलत होते.गोरेगाव (पश्चिम) रेल्वे स्टेशनजवळील टोपीवाला मंडईपासून या पाहणी दौ:याची सुरुवात झाली. यावेळी मंडईतील विक्रेते व नागरिकांनी मंडईतील पुनर्विकासाचा प्रश्न अध्यक्षांकडे मांडला. त्यावर अध्यक्षांनी मंडईचा सुयोग्य प्रकारे पुनर्विकास व्हावा यासाठी तातडीने संयुक्त बैठकीचे आयोजन करण्याचे निर्देश संबंधित महापालिका अधिका:यांना दिले. तसेच पुनर्विकासाची कार्यवाही चालू होण्यापूर्वी मंडईतील विक्रेत्यांची तात्पुरत्या स्वरूपातील व्यवस्था प्राधान्याने होणो आवश्यक आहे, असेही त्यांनी आवजरून नमूद केले.मालाड (पश्चिम) येथील साईनाथ रोड मंडईला त्यांनी भेट देताच तेथील विक्रेत्यांनी सुरक्षाव्यवस्था, विद्युत दिवे व होलसेल मार्केट याबाबतचे प्रश्न अध्यक्षांकडे मांडले. यानंतर मालाड (पश्चिम) परिसरातीलच सोमवार बाजार मंडईची अध्यक्षांनी पाहणी केली. ही मंडई धोकादायक परिस्थितीत असल्याचे यापूर्वीच घोषित करण्यात आले असून मंडईच्या पुनर्विकासाचे काम लवकरच सुरू होणार आहे. या दरम्यान मंडईतील विक्रेत्यांची गैरसोय होऊ नये यासाठी विक्रेत्यांना तात्पुरत्या स्वरूपात पर्यायी जागा तातडीने उपलब्ध करून देण्याचे निर्देश त्यांनी दिले.कांदिवली (पश्चिम) परिसरात डॉ. बाबासाहेब आंबेडकर मंडईच्या परिसराला अध्यक्षांनी भेट दिली. या मंडईच्या पुनर्विकासाला मान्यता मिळाल्यानंतर पूर्वीची मंडई तोडून त्या ठिकाणी पुनर्विकसित स्वरूपातील नवीन मंडईचे बांधकाम सुरू करण्यात आले होते. मात्र, हे बांधकाम गेल्या तीन वर्षांपासून रखडले असल्याने संबंधित विक्रेते व स्थानिक रहिवासी यांनी अध्यक्षांकडे त्यांचे गा:हाणो मांडले. मंडईच्या पुनर्विकासाचे काम तातडीने पूर्ण व्हावे यासाठी एका विशेष संयुक्त बैठकीचे आयोजन करण्याचे निर्देश देण्यात आले.कांदिवली गावठाण (व्हिलेज) मंडईला पवार यांनी भेट दिली. याप्रसंगी मंडईत योग्यप्रकारे स्वच्छता ठेवली जात नसल्याबद्दल तीव्र नाराजी व्यक्त करत त्यांनी नियमित स्वरूपात साफसफाई व स्वच्छतेची कार्यवाही करण्याचे निर्देश आर/दक्षिण विभाग कार्यालयाला दिले. कांदिवली (पश्चिम) येथील चारकोप गावातील छेडा मंडईला भेट दिली. उत्तमप्रकारे बांधण्यात आलेल्या या मंडईचा वापर विक्रेते करत नसल्याबद्दल खेद व्यक्त करीत त्यांनी स्थानिकांशी चर्चा केली. तेव्हा परिसरातील अनधिकृत विक्रेत्यांमुळे मंडईतील मालाची विक्री होत नाही, त्यामुळे विक्रेते या मंडईत येण्याचे टाळतात. मात्र महापालिकेकडे भाडे नियमित स्वरूपात भरतात, अशी माहिती पुढे आली. त्यावर परिसरातील अनधिकृत विक्रेत्यांवर कडक कारवाई करावी, असे आदेश पवार यांनी साहाय्यक आयुक्त (प्रभारी) गायकवाड यांना दिले. बोरीवली (पश्चिम) येथील मंडईला पाहणी करून विक्रेत्यांच्या समस्या समजावून घेतल्या. या मंडईच्या पुनर्विकासाचा प्रश्न लवकरच मार्गी लावून बांधकामही निर्धारित वेळेत पूर्ण करून घेण्याचे आश्वासन त्यांनी मंडईतील विक्रेत्यांना दिले. (प्रतिनिधी) च्मंडयांच्या पाहणी दौ:याचा शेवट बोरीवली (पूर्व) परिसरातील कार्टर रोड मंडईच्या पाहणीने झाला. या मंडईची पाहणी करत तेथील विक्रेत्यांशी पवार यांनी सविस्तर चर्चा केली. सदर ठिकाणी आवश्यक असणारी दुरुस्तीची कामे तातडीने पूर्ण करावीत, असे आदेश महापालिकेच्या उद्यान व बाजार समितीचे अध्यक्ष मंगेश पवार यांनी महापालिकेच्या संबंधित अधिका:यांना दिले. यावेळी मंडयांच्या परिसरातील अनधिकृत विक्रेत्यांवर कारवाई करण्याचेही आदेश दिले.

आदर्श घोटाळ्याची आज सुनावणी

सीकेपी बँक प्रकरणात मुख्यमंत्री लक्ष घालणार

भिवंडीचे महापौरपद शिवसेनेकडे

सहा महिन्यांत 5 कोटी प्रवाशांचा प्रवास

मागेल त्याला मिळणार पाणी..

शिवसेनेतील मतभेद चव्हाटय़ावर

वंडर्स पार्कची जबाबदारी ठेकेदारावर

कागदात जीव ओतणारी ‘ओरिगामी’

उलगडले मातीशी ‘नाते’!

स्वच्छतेच्या दोन तासांना कर्मचारी वैतागले

डीसी-एसी परावर्तनाला गती

पालिका मंडयांची झाडाझडती