आता प्रत्येक प्रभागासाठी उपायुक्त

पालिकेच्या १०७ प्रभागांसाठी सात प्रभाग क्षेत्रे आहेत. प्रत्येक प्रभागाला आयुक्त कार्यालयाकडून प्रभाग अधिकारी दिला जातो. मात्र हे प्रभाग

डोंबिवली : पालिकेच्या १०७ प्रभागांसाठी सात प्रभाग क्षेत्रे आहेत. प्रत्येक प्रभागाला आयुक्त कार्यालयाकडून प्रभाग अधिकारी दिला जातो. मात्र हे प्रभाग
अधिकारी योग्य प्रकारे काम करीत नसल्याने आयुक्त मधुकर अर्दड यांनी प्रशासकीय व वित्तीय अधिकार देऊन प्रत्येक प्रभागासाठी उपायुक्त दिला आहे.
तसेच नव्याने समावेश केलेल्या २७ गावांसाठी उपायुक्त संजय घरत यांच्याकडे पदभार देण्यात आला असून त्यासह फ प्रभाग समिती कार्यालयाचा कारभारही सोपवला आहे. यासंबंधीचे आदेश आयुक्तांनी शनिवारी सायंकाळी जारी केला.
उपायुक्त सुनील लहाने यांच्याकडे अ आणि ब प्रभाग क्षेत्र कार्यालय, उपायुक्त दीपक पाटील यांच्याकडे क आणि ड प्रभाग क्षेत्र आणि उपायुक्त सुरेश पवार यांच्याकडे ग आणि ह प्रभाग क्षेत्राचा पदभार सोपवला आहे. पाच लाख रुपये खर्चाच्या निविदा मागवणे, त्याच्यासंदर्भात निर्णय घेणे, कंत्राटदारांशी करारनामा करणे, त्याला वेळोवेळी मुदतवाढ देणे हे विविध निर्णय उपायुक्तांनी त्यांच्या पातळीवर घ्यायचे आहेत. (प्रतिनिधी)