डंपरच्या धडकेत दोघांचा मृत्यू

Accident In Mumbai News: विक्रोळीच्या पूर्व द्रुतगती मार्गावर रविवारी संध्याकाळी भरधाव डम्परच्या धडकेत दुचाकीवरील दोघांचा मृत्यू झाला. रामनारायण संताप्रसाद यादव (५१) आणि भीमाशंकर गोपाल यादव (३५) अशी मृतांची नावे आहेत.

मुंबई -  विक्रोळीच्या पूर्व द्रुतगती मार्गावर रविवारी संध्याकाळी भरधाव डम्परच्या धडकेत दुचाकीवरील दोघांचा मृत्यू झाला. रामनारायण संताप्रसाद यादव (५१) आणि भीमाशंकर गोपाल यादव (३५) अशी मृतांची नावे आहेत.

दोघेही साकीनाका येथे वास्तव्यास होते. ते घर पाहण्यासाठी कल्याणला गेले होते. तेथून परतताना हा भीषण अपघात घडल्याची माहिती विक्रोळी पोलिसांनी दिली. पोलिसांनी जखमी अवस्थेत त्यांना  अन्य वाहनचालकांच्या मदतीने तत्काळ राजावाडी रुग्णालयात नेले, मात्र  दाखल करण्यापूर्वी त्यांना तेथील डॉक्टरांनी मृत घोषित केले. 

डंपर चालकाविरोधात विक्रोळी पोलिस ठाण्यात गुन्हा नोंदविण्यात आला असून त्याला अटक करण्यात आली आहे. त्याचे नाव ज्ञानेश्वर विष्णू गायकवाड असे आहे. पोलिसांनी या अपघात प्रकरणाचा तपास सुरू केला आहे. अपघात नेमका कसा घडला याची माहिती पोलिस घेत आहेत. त्यासाठी त्या भागातील सीसीटीव्ही चित्रणही तपासण्यात येत असल्याची माहिती सूत्रांनी दिली.