डॉ. काशीनाथ घाणेकर' चित्रपटात कांचन घाणेकर यांची भूमिका साकारून वैदेही परशुरामीने प्रेक्षकांना भुरळ पाडली. तिने मराठीसह हिंदी सिनेमातही काम केले आहे. वैदेहीने 'वेड लागी जीवा' या सिनेमातून 10 वर्षापूर्वी मराठी सिनेसृष्ट्रीत पदार्पण केले होते. वैदहीचे अभिनया इतकेच नृत्यावर देखील प्रेम आहे. वैदही सोशल मीडियावर नेहमीच अॅक्टिव्ह असते. वैदेही कधी व्हिडीओ तर कधी फोटो सोशल मीडियावर शेअर करत असते.
नुकताच तिने इन्स्टाग्रामवर व्हिडीओ शेअर करत रोहित शेट्टीच्या सिम्बाच्या आठवणींना उजाळा दिला आहे. हा व्हिडीओ शेअर करताना तिने त्याला कॅप्शनदेखील दिले आहे. वैदही लिहिते, हा माझ्या आयुष्यातला सगळ्यात मोठा सिनेमा आहे. मी रोहित शेट्टीच्या ऑफिसमध्ये पहिल्यांदा गेले तेव्हा नर्व्हस होते मला वाटलंही नव्हते. 'सिम्बा'मधील भूमिका मी साकारु शकेन. सिम्बाच्या संपूर्ण टीमचे वैदेहीने आभार मानले आहेत.